فوتو: باس پروكۋراتۋرا
مەملەكەت باسشىسى بيىلعى قازاقستان حالقىنا جولداۋىندا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭنىڭ سۋبەكتىلەرى الەۋمەتتىك-مادەني وبەكتىلەردى سالۋعا قاتىسۋى قاجەتتىگىن اتاپ وتكەن ەدى.
باس پروكۋراتۋرانىڭ حابارلاۋىنشا, اكتيۆتەردى قايتارۋ بويىنشا جۇرگىزىلىپ جاتقان جۇمىستار اياسىندا ءتىزىلىم سۋبەكتىلەرىمەن 12 ملرد تەڭگەگە الەۋمەتتىك جوبالاردى ىسكە اسىرۋ بويىنشا 4 كەلىسىمگە قول قويىلعان.
سولاردىڭ ءبىرى – الماتى قالاسىندا زاماناۋي مادەنيەت ورتالىعىن سالۋ جوباسى. ونىڭ ءاۋدانى ۇش مىڭ شارشى مەتردەن اسادى جانە ارنايى زالدار مەن امبەباپ كورمە الاڭدارىن, ءبىلىم بەرۋ جانە دەمالىس ورىندارىن قامتيدى.
وبەكت ىسكە قوسىلعاننان كەيىن جىل سايىن حالىقتىڭ الەۋمەتتىك وسال توپتارىنان كەلۋشىلەرگە تەگىن رەپەتيتسيالار مەن شەبەرلىك ساباقتارى وتكىزىلەدى دەپ جوسپارلانعان.
سونىمەن قاتار, تاعى ءبىرى شىمكەنتتە مۇقتاج وتباسىلاردى ودان ءارى قامتاماسىز ەتۋ ۇشىن مەملەكەت مەنشىگىنە وتەتىن كوپقاباتتى تۇرعىن ءۇي قۇرىلىسى.
بۇل باعىتتاعى جۇمىستاردىڭ ءالى دە جالعاسىپ جاتقاندىعى حابارلاندى.
