اقتوبە وبلىسىندا جىل سايىن مەكتەپ جاسىنداعى وقۋشىلار سانىنىڭ ارتۋىنان مەكتەپتەردە ورىن تاپشىلىعى جويىلماي تۇر. ماسەلەن, بيىلعى وقۋ جىلىندا وقۋشىلار سانى بىلتىرعىعا قاراعاندا 5 مىڭعا وسكەن. بالا سانىنىڭ ارتۋى جاڭا مەكتەپتەردىڭ سالىنۋىن قاجەت ەتەدى.
«وسى جىلى 4 820 ورىنعا لايىقتالعان 22 مەكتەپتىڭ قۇرىلىسىن سالۋعا بيۋدجەتتەن 10 ميلليارد تەڭگە ءبولىندى. ودان وزگە اقتوبە قالاسىندا «جايلى مەكتەپ» ۇلتتىق جوباسىمەن توعىز ءبىلىم ورداسى سالىنباقشى. بۇل ءوز كەزەگىندە مەكتەپتەردەگى ورىن تاپشىلىعىن ازايتادى», دەدى ءوڭىر باسشىسى اسحات شاحاروۆ مەكتەپتىڭ اشىلۋ سالتاناتىندا.
«قىزىلجار تۇرعىندارى جاڭا مەكتەپءتىڭ اشىلعانىنا وتە قۋانىشتى. ويتكەنى, بالالارىمىز جاقسى جاعدايدا وقيدى جانە ساپالى بىلىمگە قول جەتكىزەدى. مۇنى جۇزەگە اسىرۋعا كومەكتەسكەن ازاماتتارعا العىسىمىز شەكسىز. ەلىمىز گۇلدەنىپ, بەيبىتشىلىك پەن كەلىسىمدە ءومىر سۇرەيىك, بالالارىمىز جەتىستىكتەرىمەن قۋانتا بەرسىن», دەيءدى قىزىلجار تۇرعىنى, ءبىلىم سالاسىنىڭ ارداگەرى نايمان تۇڭعىشبايقىزى.
ايتا كەتۋ كەرەك, سوڭعى بەس جىلدا اقتوبە قالاسىندا 9 490 ورىنعا لايىقتالعان 20 جاڭا مەكتەپ پايدالانۋعا بەرىلدى.
