فوتو: Depositphotos
يگور لەپەحا الداعى ۋاقىتتا وسى ماسەلەنى تياناقتايتىن زاڭعا قول قويىلاتىنىن ايتتى.
جوسپار رەتىمەن جۇزەگە اسسا, قازاقستاندا موپەدتەر 1 جەلتوقساننان باستاپ تىركەلۋى مۇمكىن.
«قازىر ءتيىستى قۇجاتقا قول قويىلادى. قاراشانىڭ اياعىنا دەيىن بۇل جۇمىستى اياقتايمىز جانە شارتتى تۇردە 1 جەلتوقساندا تىركەۋدى باستايمىز. الداعى ۋاقىتتا تەحنيكالىق جاعدايعا قويىلاتىن تالاپتار جوق. الدىمەن سايكەستىك, نومىرلەردىڭ بار-جوعىن جانە باسقاسىن قارايمىز», دەدى يگور لەپەحا.
بۇعان دەيىن موپەدتەردى تىركەۋ ەرەجەسىنە «ا1» كىشى ساناتىنداعى جۇرگىزۋشى كۋالىگىمەن موپەدتى باسقارۋ قۇقىعى راستالاتىن تۇزەتۋ ەنگىزۋ كوزدەلىپ جاتقانى حابارلانعان. سونىمەن قاتار «ا» جانە «ۆ» ساناتتارى دا موپەدتى باسقارۋ قۇقىعىن راستايتىنى ايتىلعان.
