فوتو: baq.kz
وبلىستىق پروكۋراتۋرانىڭ مالىمەتىنشە, ەسىرتكى بيزنەسىمەن كۇرەسكە باعىتتالعان «ناشاقورلىققا جول جوق» جوباسى جۇزەگە اسىرىلىپ جاتىر. سونداي-اق ۆەدومستۆوارالىق توپ قۇرىلعان. وسى جۇمىستىڭ ناتيجەسىندە ەسىرتكى زاتتارىن ناسيحاتتايتىن 7 مىڭنان استام جارنامالىق سايتتار انىقتالىپ, بۇعاتتالعان. ەسىرتكى زاتتارىن بەلگىلى جەرلەردە قالدىرۋشىلاردىڭ كوشەلەردەگى جارنامالىق جازبالارى مەن گراففيتيلەرىن بوياۋ شارالارى قولدانىلعان.
«ەسىرتكىنى جارنامالاۋ ءۇشىن 55 قىلمىستىق ىس قوزعالدى. الەۋمەتتىك جەلىلەردە, ونىڭ ىشىندە 98 Telegram-كانالداردا مازمۇنى زاڭعا قايشى جانە زاڭسىز ارەكەتتەرگە شاقىراتىن 174 سىلتەمە بۇعاتتالدى», دەلىنگەن حابارلامادا.
بۇدان بولەك اۋىلدىق جەرلەردە جابايى قاراسورانى انىقتاۋ جانە جويۋ جۇمىستارى بەلسەندى تۇردە جۇرگىزىلىپ جاتىر. جوبا بارىسىندا وساكاروۆ, نۇرا جانە قارقارالى اۋداندارىندا 200-دەن استام قاراسورا بۇتالارى جويىلعان.
سونىمەن قاتار جاستاردى اقپاراتتاندىرۋ جانە الدىن الۋ جۇمىسىنا تارتۋ ماقساتىندا پروكۋراتۋرا ستۋدەنتتەر ءۇشىن سوت وتىرىستارىنىڭ ونلاين-ترانسلياتسياسىن ۇيىمداستىرعان.
كەڭەس قورىتىندىسى بويىنشا ەسىرتكى بيزنەسىنە قارسى كۇرەس جانە ناشاقورلىقتىڭ الدىن الۋ بويىنشا قوسىمشا شارالار بەكىتىلدى.
