«اقتوبە» الەۋمەتتىك-كاسىپكەرلىك كورپوراتسياسى بيىلعى 9 ايدىڭ قورىتىندىسى بويىنشا 463,5 ملن تەڭگە پايدا تاپسا, جىل سوڭىنا دەيىن كىرىس كولەمى ءالى دە ۇلعايادى دەگەن بولجام بار. وسى جەتىستىككە شاعىن جانە ورتا كاسىپكەرلىك نىساندارىنىڭ جۇمىسىن جولعا قويۋ مەن «اۋىل اماناتى» جوباسىمەن جەڭىلدىكپەن نەسيە بەرۋ باعدارلاماسىنا بولىنگەن قاراجاتتى يگەرۋ ارقىلى قول جەتكىزىلدى.
«اۋىل اماناتى» جوباسى ىسكە قوسىلعان ۋاقىتتان باستاپ 2 702 ءوتىنىم ماقۇلدانىپ, 15 ملرد تەڭگە كولەمىندە جەڭىلدەتىلگەن نەسيە بەرىلدى. وسىلايشا, ەلدى مەكەندەردەگى جۇمىسسىزدىقتى ازايتۋ مەن اۋىل شارۋاشىلىعى ونىمدەرىن ۇلعايتۋ ماقساتىندا ءۇش جىل بۇرىن قولعا الىنعان قاناتقاقتى جوبا تيىمدىلىگىن كورسەتتى. «اقتوبە» اكك جانىنان اشىلعان فرونت-كەڭسەدە وتىنىمدەردى ء«بىر تەرەزە» قاعيداتى نەگىزىندە قاراۋ جوباعا قاتىسۋشىلاردىڭ ۋاقىتىن ۇنەمدەدى.
سونىمەن قاتار ينۆەستيتسيالىق جوبالاردى نەسيەلەۋ باعىتى بويىنشا «اقتوبە» اكك اق اقتوبە وبلىسىنداعى ەڭ ءىرى ءسۇت وڭدەۋشىلەردىڭ ءبىرى «ايس پليۋس» جشس-نىڭ اسىل تۇقىمدى ءىرى قارا ساتىپ الۋ ارقىلى ءسۇت فەرماسىن كەڭەيتۋ جوباسىنا قولداۋ كورسەتتى. 4,6 ملرد تەڭگە قۇرايتىن وسى جوبانىڭ 3,25 ملرد تەڭگەسى جەڭىلدىكپەن قارجىلاندىرىلدى. بۇل ءوز كەزەگىندەگى وڭىردەگى ءسۇت تاپشىلىعىن جويۋعا باعىتتالىپ وتىر.
اقتوبە وبلىسى
