فوتو: اشىق دەرەككوز
ەسكە سالا كەتەيىك, حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوسقان ەدى. باعدارلاما قولعا الىنعالى جالپى سالماعى 7,4 توننا 199 235 التىن قۇيما ساتىلعان.
«التىن قۇيمالار بەس ءتۇرلى سالماقتا ۇسىنىلادى: 5, 10, 20, 50 جانە 100 گ. ساتىپ الۋشىلار اراسىندا وتە جوعارى سۇرانىسقا يە ءتۇرى – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ۇلەسى 24% – 48 629 دانا. ودان كەيىن 100 گرامدىق التىن قۇيما – 47 227 دانا (24%), 5 گرامدىق قۇيما – 44 127 دانا (22%), 20 گرامدىق قۇيما – 31 612 دانا (16%), جانە 50 گراممدىق قۇيما – 27 640 دانا (14%)», دەپ حابارلادى ۇلتتىق بانكتىڭ ءباسپاسوز قىزمەتى.
2024 جىلعى III توقساندا التىن قۇيمالاردىڭ ەڭ كوپ بولىگى الماتىدا (8 101 دانا, 58%), شىمكەنتتە (1 279 دانا, 9%) جانە استانادا (1 243 دانا, 9%) ساتىلعان.
ۇلتتىق بانك التىن قۇيمالاردىڭ سەنىمدى ينۆەستيتسيا قۇرالى بولا الاتىنىن ەسكە سالدىن. التىن قۇيمالار نارىعىنداعى وتىمدىلىكتىڭ باستى كەپىلى – بانك پەن بانكتىك ەمەس ايىرباستاۋ پۋنكتەرى كليەنتكە اقشانى سول كۇنى تولەي وتىرىپ, التىن قۇيمالاردى كەرى ساتىپ الا الادى.باعدارلاما جۇزەگە اسقالى ەكىنشى دەڭگەيلى بانكتەر مەن بانكتىك ەمەس جەكەلەگەن پۋنكتەر جالپى سالماعى 1,1 توننا 41 058 التىن قۇيمانى كەرى ساتىپ العان. بۇل – جالپى ساتىلعان التىن قۇيمالاردىڭ 21%-ى.
ء«اربىر قۇيما قورعاۋ ەلەمەنتتەرىمەن قاپتالعان (قۇيمانىڭ اينا بەتى, ميكروتەكست جانە بەدەرلى جيەگى بار) جانە مەحانيكالىق زاقىمدانۋدان قورعايتىن ارنايى قوراپقا سالىنىپ شىعادى. سول ارقىلى قۇيمانىڭ اشىلعان-اشىلماعانىن وڭاي تەكسەرۋگە بولادى. قورعاپ تۇراتىن قوراپ سونداي-اق ساپا سەرتيفيكاتى بولىپ سانالادى. سوندىقتان, التىن قۇيمانى ۇقىپتى ساقتاپ, قورابىن بۇلدىرمەۋگە كەڭەس بەرەمىز», دەلىنگەن حابارلامادا.
