فوتو: استانا اكىمدىگى
اكتسيا قالاداعى ەكولوگيالىق جاعدايدى جاقسارتۋعا, سونداي-اق كاسىپكەرلەردىڭ ەكولوگيا ماسەلەلەرىنە جاۋاپتى كوزقاراسىن ىلگەرىلەتۋگە باعىتتالعان.
ءىس-شاراعا Mega Silk Way, Asia Park جانە Keruen سياقتى ءىرى ساۋدا-ويىن-ساۋىق ورتالىقتارىنىڭ, سونداي-اق Ailand ويىن-ساۋىق ورتالىعىنىڭ وكىلدەرى قاتىستى. ولارعا №1 يندۋستريالىق پارك كاسىپورىندارىنىڭ قىزمەتكەرلەرى, ونىڭ ىشىندە «MetalFormer», «Digital System Servis» جانە «DAT KZ» جشس قوسىلدى.
كاسىپكەرلەر ءوز اۋماقتارى مەن ىرگەلەس ۋچاسكەلەرىن تازالاۋدى ۇيىمداستىرا وتىرىپ, اكتسيانى بەلسەندى قولدادى. قالا كەڭىستىگىن قوقىستاردان تازارتتى, ءتارتىپتى قالپىنا كەلتىردى جانە قالالىق ورتانى اباتتاندىرۋعا ىقپال ەتتى.
«بۇل ءىس-شارا بيزنەستىڭ ەكولوگيالىق جاۋاپكەرشىلىگىن ىلگەرىلەتۋ مەن تازالىق مادەنيەتىن قالىپتاستىرۋداعى ماڭىزدى قادام بولدى. كاسىپكەرلەر باسقا كومپانيالار مەن ۇيىمدار ءۇشىن وڭ ۇلگى كورسەتتى», دەپ اتاپ ءوتتى استانا قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ ساۋدا جانە قىزمەت كورسەتۋ سالاسىن دامىتۋ ءبولىمىنىڭ باسشىسى ءادىل قاپسالياموۆ.
ەستەرىڭىزگە سالا كەتەيىك, «تازا قازاقستان. استانا-تازالىق پەن ءتارتىپتىڭ ۇلگىسى» ەكواكتسياسى اياسىندا قالانى سانيتارلىق تازارتۋ, نوسەر جانە ارىق كارىزدەرىن تازارتۋ, كوشەلەردى, تروتۋارلاردى, ورامىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جاسالۋدا.
سونداي-اق جاسىل جەلەكتەردى كۇتىپ ۇستاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, رۇقسات ەتىلمەگەن پوليگونداردى جويۋ جانە ت. ب. جۇمىستار اتقارىلىپ جاتىر.
سونىمەن قاتار, ەلوردادا «Taza Astana» جاڭا الەۋمەتتىك جوباسى ىسكە قوسىلدى. جوبا قۇقىقتىق ءتارتىپ, اباتتاندىرۋ, كوگالداندىرۋ, سانيتارلىق تازالاۋ, كوپپاتەرلى تۇرعىن ۇيلەردىڭ, ءۇي جانىنداعى, ورامىشىلىك جانە اۋلا اۋماقتارىنىڭ كىرمە توپتارىنىڭ تازالىعى ماسەلەلەرى بويىنشا جۇيەلى جۇمىس جاساۋعا باعىتتالعان.
