فوتو: «EQ», ەرلان ومار,
«بيۋدجەت قاراجاتتارى جۇمىسشىلارعا قوسىمشا سىيلىقاقى بەرۋدە بيۋدجەتتىك وتىنىمدەردى نەگىزسىز جوعارىلاتۋ ارقىلى يەمدەنiلگەن.باقىلاۋسىز وزگەرىستەر ەنگىزىلىپ, ونىڭ ىشىندە باسشىلارعا سىيلىقاقى بەرۋ تۋرالى بۇيرىقتارعا سومالاردى اسىرا كوتەرگەن. يەمدەنىپ الۋ سحەمالارى جالاقىنى بەلگىلەنگەن نورمادان تىس اۋدارۋ, اۋدارىمداردى قايتالاۋ, جالعان ءىسساپارلار ارقىلى جۇزەگە اسىرىلعان», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
سونىمەن قاتار, ەسەپشىلەردىڭ ءبىرى كەيبىر قىزمەتكەرلەرگە جوعارىلاتىلعان جالاقى, قوسارلانعان ەڭبەك دەمالىسى مەن ءىسساپار تولەمدەرىن زاڭسىز ەسەپتەۋ ارقىلى جالپى كولەمى 24 ملن تەڭگەدەن استام قاراجاتتى يەمدەنگەن. انىقتالعانداي, وسى قاراجاتتار ەشقانداي نەگىزسىز ەسەپشىنىڭ نەمەسە بالاباقشا مەڭگەرۋشىسىنىڭ جەكە ەسەپشوتتارىنا اۋدارىلعان.
اۋدان پروكۋراتۋرالارىمەن اۋداندىق ءبىلىم ءبولىمىنىڭ بۇرىنعى باسشىلارىنا, 3 بالاباقشا مەڭگەرۋشىلەرى مەن 4 ەسەپشىلەرىنە قاتىستى قك-ءتىڭ 189-بابىنىڭ 4-بولىگىنىڭ 2-تارماعىمەن (اسا ءىرى مولشەردە cەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) سوتقا دەيىنگى تەرگەپ-تەكسەرۋ امالدارى باستالعان.
ايتا كەتەيىك, بارلىق كورسەتىلگەن فاكتىلەر بويىنشا سىبايلاس جەمقورلىققا قارسى كۇرەس قىزمەتىمەن سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
