ءادىل قۇنداقباەۆ
Polisia.kz جازعانداي, جەدەل-ىزدەستىرۋ ءىس-شارالارىن جۇرگىزۋ كەزىندە كوشى-قون قىزمەتى باسقارماسىنىڭ قىزمەتكەرلەرى 8 جىل بويى حالىقارالىق ىزدەۋدە جۇرگەن وزبەكستان ازاماتىن انىقتادى. 41 جاستاعى ىزدەۋدە جۇرگەن قىلمىسكەردى پوليتسيا قىزمەتكەرلەرى تۇران اۋدانىنداعى جالدامالى پاتەرلەردىڭ بىرىندە ۇستادى.
قازىرگى ۋاقىتتا ەر ادام سوتتىڭ شەشىمىمەن رەسپۋبليكا اۋماعىنان الاستاتىلىپ, بەس جىلعا دەيىن قازاقستانعا كىرمەۋگە شەشىم شىعارىلدى.
اتاپ وتەيىك, 2024 جىلدىڭ 14-18 قازان ارالىعىندا «زاڭسىز كەلۋشى – 2024» جەدەل پروفيلاكتيكالىق ءىس شاراسى بارىسىندا كوشى-قون زاڭناماسىن بۇزعان 556 شەتەلدىك پەن قازاقستان رەسپۋبليكاسىنىڭ ازاماتتارى انىقتالىپ, اكىمشىلىك جاۋاپكەرشىلىككە تارتىلدى.
سونىمەن قاتار شىمكەنت قالاسى پد-نىڭ قابىلداپ-تاراتۋ ورنىنا جەكە باستارىن انىقتايتىن قۇجاتتارى جوق 135 ادام ورنالاستىرىلدى. قر-دا بولۋ ەرەجەلەرىن بۇزعان 408 شەتەلدىك ازامات انىقتالىپ, قر اقبتك-ءنىڭ 517-بابىمەن اكىمشىلىك جاۋاپكەرشىلىكتەرى قارالدى.
شەتەل ازاماتىن زاڭسىز تۇرعىن ۇيمەن قامتاماسىز ەتكەن جانە شەتەلدىك جۇمىس كۇشىن زاڭسىز پايدالانعان 114 ازامات قر اقبتك-ءنىڭ 518-بابىمەن جانە تاعى 34 قازاقستان ازاماتى قر اقبتك-ءنىڭ 519-بابىنىڭ تالاپتارىن بۇزعان. كوشى-قون زاڭدىلىعىن ورەسكەل بۇزعان 61 شەتەلدىك قازاقستان رەسپۋبليكاسى اۋماعىنان الاستاتىلدى. 44 شەتەلدىكتىڭ قازاقستان رەسپۋبليكاسىندا بولۋ مەرزىمدەرى قىسقارتىلدى.
