فوتو: atr.kz
اباي اۋدانىنىڭ پوليتسيا دەپارتامەنتىنىڭ حابارلاۋىنشا, 14 قازان كۇنى ساعات 11:40 شاماسىندا ءۇرجار اۋىلىنداعى گاگارين كوشەسىمەن كەلە جاتقان Toyota Rav-4 كولىگىن تىزگىندەگەن 44 جاستاعى جۇرگىزۋشى 11 جاستاعى بالانى قاعىپ كەتكەن. وقيعا سالدارىنان كامەلەتكە تولماعان جابىرلەنۋشى ءۇرجار اۋداندىق ورتالىق اۋداندىق اۋرۋحاناسىندا قايتىس بولعان.
«ابايسىزدا ادام ولىمىنە اكەپ سوقتىرعان جول قوزعالىسى ەرەجەلەرىن بۇزۋ فاكتىسى بويىنشا سوتقا دەيىنگى تەرگەۋ باستالدى. تەرگەۋ بارىسى اباي وبلىستىق پوليتسيا دەپارتامەنتى باسشىلىعىنىڭ باقىلاۋىندا», دەلىنگەن حابارلامادا.
بۇل اقپاراتتى وبلىستىڭ باس يمامى اباي اسقار مۇقانوۆ راستادى. ول كولىكتى شىن مانىندە اۋىل مەشىتىنىڭ يمامى جۇرگىزگەنىن ايتتى. ونىڭ ايتۋىنشا, كولىك ساعاتىنا 40 شاقىرىمنان اسپايتىن جىلدامدىقپەن قوزعالعان. كۋاگەرلەردىڭ ايتۋىنشا, بويجەتكەن ۇيلەردىڭ ءبىرىنىڭ اۋلاسىندا بايلانعان ءيتتىڭ ۇرگەن داۋىسىنان قورقىپ, جولعا جۇگىرىپ شىققان. جۇرگىزۋشى كولىكتى توقتاتىپ ۇلگەرمەگەن.
