فوتو: قر تجم
جۇمىسشىلار بىرتە-بىرتە جۇمىسقا قايتا ورالعان. ناقتى قانشا ادامنىڭ ءوز جۇمىسىن قايتا باستاعانىن قازان ايىنىڭ سوڭىندا عانا انىقتاۋعا بولاتىنى حابارلاندى. بۇل رەتتە, «مايقايىڭالتىن» اق باسشىلىعىنىڭ ايتۋىنشا, بەتون قۇيۋ كەشەنىن ىسكە قوسقانىن ەسكەرسەك, شتات ۇلعايۋى ابدەن مۇمكىن.
«جۇمىس قازان ايىنىڭ باسىندا باستالدى. قايعىلى وقيعا بۇرىن جۇمىس ىستەگەن جەرلەردە بولعان. قازىر ءبىز جۇمىس ىستەيتىن جەردە ءبارى جاقسى. ىزدەۋ جۇمىستارى كەزىندە شاحتا جابىلدى. ىزدەۋ جۇمىستارى اياقتالىپ, دايىندىق جۇمىستارىن جۇرگىزىپ, وندىرىسكە كىرىستىك. شاحتا دا, زاۋىت تا جۇمىس ىستەيدى. ءوڭىرىمىز كوركەيىپ, مەرەيى اسقاقتاي بەرەدى», دەدى «مايقايىڭالتىن» اق باس ديرەكتورى قايروللا جۇرسىنباەۆ.
ال «مايقايىڭالتىن» اۋماعىنداعى شاحتالاردا جۇمىستى توقتاتۋ تۋرالى شەشىم قابىلدانسا دا, كاسىپورىننىڭ وڭدەۋشى فابريكاسى مەن اكىمشىلىك بولىمشەلەرى جۇمىسىن جالعاستىردى.
ەسكە سالا كەتەيىك, وسى جىلدىڭ 4 قاڭتارىنا قاراعان ءتۇنى ساعات 01:25 شاماسىندا پاۆلودار وبلىسىنىڭ باياناۋىل اۋدانىنداعى «مايقايىڭالتىن» اق اۋماعىندا 4 جولاۋشىسى بار اۆتوبۋس ويىققا قۇلاپ كەتكەن ەدى.
