فوتو: baq.kz
كولىك مينيسترلىگىنىڭ مالىمەتىنشە, «تۇركسىب استانا» جشس جەكە تاسىمالداۋشىسىنىڭ پاركى 2024 جىلى شىعارىلعان كۋپە جانە پلاتسكارت ۇلگىسىندەگى 10 جاڭا جولاۋشىلار ۆاگونىمەن تولىقتى. سونىمەن قاتار ونىڭ ىشىندە مۇمكىندىگى شەكتەۋلى جاندارعا ارنالعان ارنايى شتابتىق ۆاگون بار.
ايتا كەتەيىك, بارلىق ۆاگون «زيكستو» اق وتاندىق وندىرۋشىسىنەن ساتىپ الىنعان. ۆاگوندار اۋا باپتاعىش جۇيەلەرىمەن جانە بيواجەتحانالارمەن جابدىقتالعان.
«جوعارىدا اتالعان جاڭا جولاۋشىلار ۆاگوندارى بيىلعى قاراشا ايىنان باستاپ №43/44 «قوستاناي-الماتى» باعىتى بويىنشا قاتىنايدى. ايتا كەتۋ كەرەك, بۇل باعىتتا قاتىنايتىن ۆاگاندور ابدەن ەسكىرگەن جانە جولاۋشىلار تاراپىنان ۇنەمى شاعىمدار بولاتىن», دەپ حابارلادى مينيسترلىكتىڭ ءباسپاسوز قىزمەتى.
ەسكە سالا كەتەيىك, بيىل 122 بىرلىك جاڭا ۆاگون اكەلىنگەن, جىل سوڭىنا دەيىن تاعى 18 بىرلىك جەتكىزىلەدى دەپ جوسپارلانعان.
