فوتو: ەنەرگەتيكا مينيسترلىگى
الماسادام ساتقاليەۆ جەرگىلىكتى قازاندىقتاردىڭ, ورتالىق جىلۋ كوزدەرىنىڭ, جىلۋ جەلىلەرى مەن الەۋمەتتىك نىسانداردىڭ جاي-كۇيىن جەر-جەردە تەكسەرىپ, جەرگىلىكتى جەدەل شتابتىڭ وتىرىسىن وتكىزگەن.
سونىمەن قاتار جىلۋ كوزدەرىنىڭ قاجەتتى وتىنمەن قامتاماسىز ەتىلگەنى حابارلاندى.
ء«بىز بارلىق جىلۋ كوزدەرىن ارالاپ شىقتىق, جىلۋمەن قامتۋ سىزباسىن قالپىنا كەلتىرۋ جۇمىستارىنىڭ بارىسىن ەگجەي-تەگجەيلى ساراپتادىق, كەلەسىدەي شەشىم قابىلداندى: ورتالىق جىلۋ كوزى ىسكە قوسىلعانعا دەيىن قالانى جىلۋمەن قامتۋ جەرگىلىكتى ەلەكتر جەلىسى ارقىلى جۇزەگە اسىرىلادى. بارلىق الەۋمەتتىك نىسان جىلۋمەن قامتاماسىز ەتىلگەن, ولار وندىرىستىك باعدارلامالارعا سايكەس جۇمىس ىستەپ تۇر», دەدى الماسادام ساتقاليەۆ.
ءوز كەزەگىندە قاراعاندى وبلىسىنىڭ اكىمى ەرماعانبەت بولەكپاەۆ رەزەرۆتە تۇرعان جەرگىلىكتى قازاندىقتاردىڭ بارلىعى دايىندالىپ, ىسكە قوسىلعانىن اتاپ ءوتتى.
ايتا كەتەيىك, قازىر وقيعا ورنىندا ارنايى كوميسسيا جۇمىس ىستەپ جاتىر, ونىڭ قۇرامىنا ەنەرگەتيكالىق قاداعالاۋ وكىلدەرى, وبلىس جانە باسقا دا دەپارتامەنتتەر مەن توتەنشە جاعدايلار دەپارتامەنتىنىڭ باسشىلارى كىرەدى. سونىمەن قاتار ورتالىق جىلۋ كوزىنە قۇرال-جابدىق بەرەتىن زاۋىتتاردان ارنايى ماماندار شاقىرىلعان.
ەسكە سالايىق, 13 قازاندا ساران قالاسىندا جۇرت جىلۋسىز وتىرعانى تۋرالى اقپارات تارادى. جەرگىلىكتى تۇرعىندار ۇيلەرىندە سالقىن ەكەنىن ايتىپ شاعىمداندى. اكىم ەركىن باۋلىقوۆ قالادا جىلۋ جوق ەكەنىن راستاپ, جىلۋ جۇيەسى جاڭارتىلعانىن, ورتالىق جۇيەلەر ارقىلى جىلۋ بەرىلىپ جاتقانىن العا تارتقان.
