فوتو: inbusiness.kz
بۇگىنگى ۇكىمەت وتىرىسىندا وسى جىلدىڭ 9 ايىندا اتقارىلعان جۇمىستار قورىتىندىلاندى.
پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆتىڭ ايتۋىنشا, وڭدەۋ ونەركاسىبىندەگى ءوسىم مەتاللۋرگياداعى ءوندىرىستى 8,3%-عا جانە ماشينا جاساۋداعى ءوندىرىستى 4,2%-عا ۇلعايتۋ ەسەبىنەن مۇمكىن بولعان.
سونىمەن قاتار حيميا ونەركاسىبىندەگى ءوندىرىس 9,5%-عا, ەلەكتر جابدىقتارى 11,3%-عا, فارماتسەۆتيكالىق ونىمدەر 15%-عا, مەتالل بۇيىمدارى 31,1%-عا جانە ءجيھاز وندىرىسى 17,9%-عا ارتقان.
«تاۋ-كەن ونەركاسىبىندەگى ءوندىرىس كولەمى 1,2%-عا ءوستى. ءوسىم نەگىزىنەن مەتالل كەندەرىن ءوندىرۋدى 7,7%-عا جانە تابيعي گازدى 3,4%-عا ۇلعايتۋ ەسەبىنەن قامتاماسىز ەتىلگەن. بۇل رەتتە مۇناي ءوندىرۋ 0,3%-عا, كومىر ءوندىرۋ 0,5%-عا قىسقاردى. مۇناي ءوندىرۋدى ەسەپكە الماعاندا ەكونوميكانىڭ ءوسىمى وتكەن جىلدىڭ ءتيىستى بازاسىنا 4,5% دەڭگەيىندە باعالاناتىنىنا نازار اۋدارعىم كەلەدى», دەدى نۇرلان بايبازاروۆ.
وڭدەۋ ونەركاسىبىندە قىزىلوردا, ماڭعىستاۋ, تۇركىستان, اقتوبە جانە ۇلىتاۋ وبلىستارى كوش باستاپ تۇر.
