فوتو: ۇكىمەتتىڭ ءباسپاسوز قىزمەتى
ايتا كەتەيىك, قۇجات اقتاۋ قالاسىنىڭ ماگيسترالدى جىلۋ جەلىلەرىن رەكونسترۋكتسيالاۋ جوباسىن ىسكە اسىرۋ ءۇشىن 5 ملرد تەڭگەنى ماڭعىستاۋ وبلىسىنىڭ بيۋدجەتىنە ماقساتتى ترانسفەرتتەر تۇرىندە اۋدارۋدى قاراستىرادى.
اتاپ ايتقاندا, بۇل قاراجات جەرگىلىكتى بيۋدجەتتەن بىرلەسىپ قارجىلاندىرۋدى ەسكەرە وتىرىپ, جۇمىستىڭ جالپى قۇنىنىڭ 10% مولشەرىندە اۆتوموبيل جولىنىڭ ەڭ توزىعى جەتكەن ۇزىندىعى 11,5 كم ۋچاسكەسىن رەكونسترۋكتسيالاۋعا باعىتتالعان.
ەسكە سالا كەتەيىك, بۇعان دەيىن مەردىگەر ۇيىمنىڭ قاراجاتى ەسەبىنەن شامامەن 11,5 شاقىرىم جىلۋ جەلىسى تارتىلعان ەدى.
ۇكىمەتتىڭ ءباسپاسوز قىزمەتى حابارلاعانداي, جالپى 2024-2026 جىلدارى ارالىعىندا توزۋ دەڭگەيى 75%-دان اساتىن 44 شاقىرىم ماگيسترالدى جىلۋ قۇبىرىن كەزەڭ-كەزەڭىمەن اۋىستىرۋ قاجەت. اقتاۋ قالاسىنىڭ جىلۋ جەلىلەرىنىڭ نەگىزگى بولىگى 1962 جىلدان بەرى قولدانىستا.
قابىلدانعان شارالار ناتيجەسىندە جەلىلەردىڭ توزۋى تومەندەتىلىپ, تۇرعىندارعا ساپالى كوممۋنالدىق قىزمەتتەر كورسەتۋگە جانە جىلىتۋ ماۋسىمىنىڭ ۇزدىكسىز ءوتۋىن قامتاماسىز ەتۋگە مۇمكىندىك بەرەدى.
