فوتو: gov.kz
قور ءباسپاسوز قىزمەتىنىڭ مالىمەتىنشە, الاياقتار ازاماتتاردىڭ ەسەپشوتى مەن جەكە دەرەكتەرىنە قول جەتكىزۋ ءۇشىن ءتۇرلى تاسىلدەردى قولدانۋعا كوشكەن.
دالىرەك ايتقاندا, الاياقتار سالىمشىلار مەن الۋشىلارعا قور قىزمەتكەرلەرىنىڭ اتىنان قوڭىراۋ شالىپ, زەينەتاقى اۋدارىمدارى قاتە جاسالعانىن ايتىپ, بولىمشەگە بارۋدى ۇسىنادى. ول ءۇشىن كەزەكتى ەلەكتروندى تۇردە برونداۋعا كومەكتەسەمىن دەپ SMS-كە جاۋاپ بەرۋدى وتىنەدى. بۇدان كەيىن الاياقتار تەلەفونعا كەلگەن تالون ءنومىرىن نەمەسە كودتى اتاپ, راستاۋدى سۇرايدى. وسىلايشا ولار سالىمشىنىڭ بانكتەگى شوتتارى مەن جەكە دەرەكتەرىنە قول جەتكىزەدى.
«بجزق قىزمەتكەرلەرى ازاماتتارعا قوڭىراۋ شالمايدى. سوندىقتان قىراعى بولىپ, بوگدە ادامدارعا ەشقانداي كودتى ايتپاڭىز, بەيتانىس سىلتەمەلەرگە وتپەڭىز», دەلىنگەن قور حابارلاماسىندا.
بجزق ۇسىنعان جەكە اقپاراتتى قورعاۋ ادىستەرى:
- كودتارىڭىز بەن قۇپياسوزدەرىڭىزدى ەشكىمگە, ەشقاشان ايتپاڭىز;
- اقپاراتتى رەسمي ارنالاردان تەكسەرىڭىز;
- سىزگە الدەكىم بجزق اتىنان قوڭىراۋ شالسا, تۇتقانى قويىپ, تىكەلەي قورعا حابارلاسىڭىز.
- قارجىلىق جانە زەينەتاقى قىزمەتتەرىن الۋ ءۇشىن كومەك كورسەتۋگە ۋادە بەرەتىن دەلدالداردىڭ قىزمەتتەرىن پايدالانباڭىز.
