فوتو: muftyat.kz
Inbusiness.kz سايتىندا حابارلانعانداي الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ ءححىى وتىرىسىنان كەيىن قمدب توراعاسى «تۇركىستان وبلىسىنا ساپارلاعان كەزىندە جەرگىلىكتى يمامداردان اقشا جيناتتى» دەگەن ماعلۇمات تۋرالى پىكىر بىلدىرگەن.
«وبلىستىڭ باس يمامى اقپارات بەتتەرىندە ءوزىنىڭ جاۋابىن ايتتى. دەگەنمەن, ءمۇفتياتتان ارنايى كوميسسيا جىبەرىپ, اق-قاراسىن انىقتايمىز. كەيىن سونىڭ قورىتىندىسىن جاريالاپ ايتامىز», دەگەن باس ءمۇفتيدىڭ ايتۋىنشا ونىڭ ءوز باسى ەشكىمگە ىسساپارعا بايلانىستى اقشا جيناۋ تۋرالى نۇسقاۋ بەرمەگەن. «اللا ساقتاسىن! ونداي بولماعان دا, بولمايدى دا», دەدى ناۋرىزباي قاجى تاعان ۇلى.
