ءبىرىنشى كرەديتتىك بيۋرونىڭ مالىمەتىنشە, قىركۇيەك ايىندا تۇرعىن ءۇي جاعدايىن جاقسارتۋ ءۇشىن زەينەتاقى جيناقتارىن بىرجولعى تولەۋگە 39,1 مىڭ ءوتىنىش بەرىلىپ, جالپى سوماسى 37,1 ميلليارد تەڭگەنى قۇرادى.
ساراپشىلاردىڭ پىكىرىنشە, وتىنىشتەر سانى شىلدەدەگى تولقۋدان باستاپ ءۇش اي بويى تۇراقتى دەڭگەيدە ساقتالىپ كەلەدى. ءبىر ايدا بەرىلگەن وتىنىشتەردىڭ شامامەن 85%-ى نە بەلگىلى ءبىر يپوتەكانى ءىشىنارا وتەۋگە, نە تۇرعىن ءۇي جيناقتارىن تولىقتىرۋعا ارنالعان.
«ەگەر وتىنىشتەر سانىنىڭ شارتتى نورماسىن ءبىرىنشى جارتىجىلدىقتىڭ ورتاشا كورسەتكىشىمەن سالىستىرساق, قازىر كورسەتكىش بۇل "نورمادان" ەكى ەسە جوعارى», – دەپ اتاپ ءوتتى ساراپشىلار.
بۇل رەتتە الىنعان سومما شىلدە ايىنداعى 45,1 ملرد تەڭگەمەن سالىستىرعاندا ايتارلىقتاي ازايدى, دەگەنمەن ول ءبىرىنشى جارتىجىلدىقتاعى ورتاشا ايلىق ماننەن 88% - عا جوعارى بولدى.
