بۇل – ادىلەتتى قازاقستان, ادىلەتتى ەكونوميكا, ادىلەتتى قوعام قۇرۋ جولىندا اتقارىلىپ جاتقان ساياسي ءىس-شارالاردىڭ ەڭ وزەكتىسى. سوندىقتان مەن دە وتباسىممەن بىرگە داۋىس بەرۋ ۋچاسكەسىنە بارىپ, تاڭداۋىمدى جاسادىم.
مەملەكەت باسشىسى ەگەر حالىق اەس سالۋدى قولداپ داۋىس بەرىپ, وڭ شەشىم قابىلدانعان جاعدايدا ونىڭ قۇرىلىسىن ءىرى-ءىرى حالىقارالىق كومپانيالاردان تۇراتىن كونسورتسيۋم قۇرۋ ارقىلى جۇرگىزۋدى ايتقان ەدى. مۇنداي جاعدايدا ستانسا قۇرىلىسى ءارى ساپالى, ءارى سالۋ مەرزىمى قىسقا بولۋى مۇمكىن. وسى ورايدا حالقىمىز دۇرىس تاڭداۋ جاسايدى دەپ ۇمىتتەنەمىن.
ويتكەنى قازىرگى تاڭدا ونەركاسىپ ورىندارىنىڭ كوبەيىپ, ۇلعايۋىنا بايلانىستى ەلەكتر قۋاتىنا قاجەتتىلىك ارتىپ كەلەدى. مامانداردىڭ ايتۋىنشا, 2035 جىلعا دەيىن ونى پايدالانۋ كولەمى قازىرگىدەن ەكى ەسەگە وسەدى. سوندىقتان ەلەكتر ەنەرگياسىن ءوندىرۋدى دە ەكى ەسەگە ارتتىرۋىمىز كەرەك. وسى ورايدا مەملەكەتىمىز ارنايى جۇمىستى اتقارادى دەپ ويلايمىن. جاڭارتىلاتىن ەنەرگيا كوزدەرى, اەس, ودان وزگە دە ەنەرگيا ءوندىرۋ تەتىكتەرىن ىزدەۋ ارقىلى الەمدىك ەكونوميكاداعى ورنىمىزدى تابامىز. وسىنداي ءىرى جوبالاردى اتقارۋ اياسىندا عىلىم مەن بىلىمگە داڭعىل جول اشامىز. بۇل باعىتتاعى جۇمىس جۇيەلى تۇردە جۇزەگە اسا بەرەدى. ەڭ باستىسى, بەيبىت زامان بولسىن, باسىمىزدان تىنىشتىق كەتپەسىن!
عالياسقار سارىباەۆ,
سەنات دەپۋتاتى
