كۇنى بويى سەرگەك ءجۇرۋ ءۇشىن قانشا ساعات ۇيىقتاۋ كەرەك؟

Massaget.kz-ءتىڭ دەرەگىنشە, ءاربىر تسيكل ءتورت فازانى قامتيدى: ءۇش – باياۋ ۇيقى (NREM - Non Rapid Eye Movement), ولار كوزدىڭ باياۋ قوزعالىسىمەن ەرەكشەلەنەدى. جانە ءبىرى – جىلدام ۇيقى (REM - Rapid Eye Movement), جىلدام كوز قوزعالىسىنان تۇرادى.

قالعىپ كەتۋ – بۇل ۇيقىنىڭ وتپەلى كەزەڭى. ادام قالعىپ كەتسە, ول جارتىلاي ۇمىتشاق كۇيدە بولادى. مي بەلسەندىلىكتى باسەڭدەتەدى, دەنە بىرتە-بىرتە ەكىنشى فازاعا – تاياز ۇيقىعا اۋىسادى. بۇل كەزەڭدەردە ادام باسقالارعا قاراعاندا وڭاي ويانۋى مۇمكىن.

تەرەڭ ۇيقى – بۇل دەنە كۇش الاتىن ءۇشىنشى كەزەڭ. دەنە فيزيكالىق بەلسەندىلىكتەن كەيىن قالپىنا كەلەدى, يممۋندىق جۇيە بەلسەندىرىلەدى.

جىلدام ۇيقى – ۇيقىنىڭ سوڭعى كەزەڭى: ميدىڭ بەلسەندىلىگى ارتادى, ول كۇن ىشىندە الىنعان اقپاراتتى وڭدەيدى, تالدايدى, سۇرىپتايدى جانە «سورەلەرگە» قويادى. بۇل كەزەڭدە ادام ارماندايدى جانە ءتۇس تە كورەدى.

تولىق ءتۇن ۇيقىسىن الۋ ءۇشىن ادامعا 5-6 ۇيقى تسيكلى قاجەت دەپ ەسەپتەلەدى. سوندىقتان سومنولوگتار ەرەسەكتەرگە كۇنىنە كەمىندە 7,5 ساعات ۇيىقتاۋعا كەڭەس بەرەدى. ال بالالارعا – جاسىنا بايلانىستى. بالا نەعۇرلىم جاس بولسا, سوعۇرلىم ۇزاق ۇيىقتاۋى كەرەك. سترەستىك كەزەڭدەر (مىسالى, ەمتيحاندار) كەزىندە ءسىز بالاڭىزدىڭ ۇيقى ۋاقىتىن كەم دەگەندە ءبىر ساعاتقا كوبەيتۋىڭىز كەرەك.

دەگەنمەن بۇل ستاندارتتار بارلىعىنا جارامايدى: كەيبىرەۋلەرى كوبىرەك ۋاقىتتى قاجەت ەتەدى, باسقالارى از.

عالىمداردىڭ پىكىرىنشە, ساعات 22:00-دەن 23:00-گە دەيىن ۇيىقتاپ, 7:00-8:00-دە ويانعان دۇرىس دەپ سانالادى.

بۇل ۋاقىتتا گيپوفيز, ەندوكريندىك جۇيە, بۇيرەك ءۇستى بەزدەرى جانە باسقا ورگاندار دەنەنىڭ دەمالۋىنا جانە ونى جۇمىس جاعدايىندا ۇستاۋعا مۇمكىندىك بەرەتىن گورموندار شىعارادى.