فوتو aikyn.kz
Polisia.kz سايتىنىڭ جازۋىنشا الماتى اۋدانىنىڭ جەدەل قىزمەتكەرلەرى تۇرعىن ءۇي نارىعىندا جالعان جارناما بەرگەن الاياقتاردى ۇستاعان.
20 جاستاعى تالدىقورعاندىق جىگىت «كرىشا KZ» سايتىندا جالعان پاتەرلەردى جالعا بەرەمىن دەپ جارنامالاعان. ءۇي بولمەلەرىنىڭ ادەمى سۋرەتىن قويىپ, باعاسىن دا قولجەتىمدى قىلعان. جارقىراپ تۇرعان جالعان پاتەرگە قىزىعىپ حابارلاسقان ادامداردان, الدىن الا تولەم الىپ وتىرعان. پوليتسياعا جۇگىنگەن جابىرلەنۋشىنىڭ ايتۋىنشا پاتەردەن ايرىلىپ قالماۋ ءۇشىن 70 مىڭ تەڭگە اۋدارعان. قازىرگى ۋاقىتتا پوليتسيادا وسىنداي 14 جاعداي تىركەلگەن.
سونىمەن قاتار, مەملەكەتتىك باعدارلاما ارقىلى تۇرعىن ءۇي الۋعا كومەكتەسەمىن دەپ سان سوقتىراتىن الاياقتار دا بار. ولار وزدەرىن مەملەكەتتىك ورگاننىڭ قىزمەتكەرى رەتىندە تانىستىرىپ, تۇرعىن ءۇيدى كەزەكسىز, جەدەل الۋعا جاردەمدەسەتىنىن ايتادى. پوليتسەيلەر وسىنداي سحەمانى قولدانىپ, 10 ادامدى الداعان الاياقتى قولعا ءتۇسىردى. ول ءوزىن تۇرعىن ءۇي قورىنىڭ قىزمەتكەرىمىن دەپ تانىستىرعان.
تاعى ءبىر جاعدايدا, 42 جاستاعى ايەل وتباسى بانكتىڭ «ناۋرىز» جاڭا يپوتەكالىق باعدارلاماسى بويىنشا پاتەر ساتىپ الۋدى ۇسىنىپ, ادامداردى الداعان. ول مەملەكەتتىك ورگانداردا كومەكتەسەتىن ادامدارى بار ەكەنىن ايتىپ, دوستارى مەن تانىستارىن الداعان. الدانعان 24 ازامات پوليتسياعا ارىز جازعان.
الاياقتىقتىڭ بارلىق فاكتىلەرى بويىنشا قىلمىستىق ءىس قوزعالىپ, وسىعان ۇقساس قىلمىستارعا قاتىستىلىعى تەكسەرىلىپ جاتىر.
