قازاقستان اسپانى الەمدىك رەكوردتار تاريحىنا ەندى

Zakon.kz-ءتىڭ جازۋىنشا  بريتاندىق ۇشقىش ايەلدەر قاۋىمداستىعىنىڭ (BWPA) مۇشەسى المۋت داننينگتون اەروناۆتيكادان الەمدىك رەكوردقا يە بولعان الەمدەگى جالعىز ايەل.  قازاقستان ول ءۇشىن 117-ءشى ەل. 

ول بۇگىنگى كۇننىڭ ەستەلىگىن مارقۇم كۇيەۋىنىڭ رۋحىنا ارنايتىنىن ايتادى. ويتكەنى, كۇيەۋى دە  وسى حوببيمەن اينالىسۋ بارىسىندا  1999 جىلى قازاقستانعا كەلگەن ەكەن.

ال 13 جىلدان بەرى وسى كاسىپپەن اينالىساتىن لايس پينو ەكسترەمالدى ءستيلى مەن پاراشيۋتپەن سەكىرگەنى ءۇشىن «جىندى ۇشقىش» دەگەن لاقاپ اتقا يە بولعان. 

ايەلدەر ۇشاعى فابريچنىي اەرودرومىنان كوتەرىلدى. قازاقستان تاراپى ولارعا ەلىمىزدىڭ تۋى بەينەلەنگەن شار سىيلادى.

تاريحي وقيعاعا قاتىسۋ ءۇشىن تاعى ءتورت شار اسپانعا كوتەرىلىپ, كەرەمەت كورىنىس تۋدىردى.

جينالعان شاردىڭ سالماعى 350 كگ, ال ونى قۇراستىرۋ ءۇشىن 30 مينۋت ۋاقىت كەرەك.

ۇشۋ ۇزاقتىعى ەكى ساعاتتى قۇرادى. ال رەكوردشىلار مىنگەن شاردىڭ جەتكەن ماكسيمالدى بيىكتىگى 900 مەتر بولدى.

قازاقستاننىڭ اەروناۆتيكا فەدەراتسياسىنىڭ وكىلى الەكساندر رۋسينوۆتىڭ ايتۋىنشا, ولار FAI رەكوردى ءۇشىن مۇنداي شارانى العاش رەت وتكىزىپ وتىر.

ولار بىزدەن كەيىن  قىرعىزستانعا, تاجىكستانعا بارادى.ساپارلارىن وزبەكستاننىڭ حيۋا قالاسىندا اياقتايدى.

قازاقستان - ورتالىق ازياداعى ۇشقىشتار مويىنداعان العاشقى مەملەكەت رەتىندە الەمدىك رەكوردتتار تاريحىنا  ەنەدى.