فوتو: مادەنيەت جانە اقپارات مينيسترلىگىنىڭ ءباسپاسوز قىزمەتى
WCCE-2024 باستى تاقىرىبى - «ينكليۋزيۆتى كرەاتيۆ: وزگەرگەن شىندىق». دەلەگاتتار كرەاتيۆتى يندۋستريانىڭ بولاشاقتى قالىپتاستىرۋداعى ءرولىن, تەحنولوگيالاردىڭ قارقىندى دامۋىنا بايلانىستى الەۋمەتتىك جانە ەكونوميكالىق قيىنشىلىقتاردى تالقىلاپ جاتىر.
سونىڭ اياسىندا كرەاتيۆتى يندۋسترياعا جەتەكشىلىك ەتەتىن مەملەكەتتىك ورگاندار باسشىلارىنىڭ كەزدەسۋى ءوتتى. قازاقستان اتىنان مادەنيەت جانە اقپارات ۆيتسە-ءمينيسترى ەۆگەني كوچەتوۆ ءسوز سويلەدى.
«قازاقستان پرەزيدەنتى قاسىم-جومارت توقاەۆ كرەاتيۆتى يندۋستريانى دامىتۋعا ەرەكشە كوڭىل بولەدى. بۇل – ەكونوميكانىڭ باسىم باعىتى. ءبىزدىڭ مينيسترلىك وسى سالانى قولداۋ بويىنشا بىرقاتار شارالار ازىرلەدى. بىرنەشە كۇن بۇرىن Global Innovation Index-2024 رەيتينگىندە قازاقستان ءۇندىستان مەن يراننان كەيىن, ورتالىق جانە وڭتۇستىك ازيا ەلدەرىنىڭ كوشباسشى ۇشتىگىنە ەندى دەپ ماقتانىشپەن ايتا الامىز. رەيتينگتەگى ەڭ جوعارعى كورسەتكىشتى «كرەاتيۆتى تاۋارلار مەن قىزمەتتەر» جانە «ۇلتتىق كوركەم فيلمدەر» كورسەتتى. ياعني, كرەاتيۆتى يندۋستريا ءوستى», دەدى ەۆگەني كوچەتوۆ.
قازاقستان دەلەگاتسياسى يندونەزيا وكىلدەرىمەن دە كەلىسسوزدەر جۇرگىزدى. تاراپتار كاسىپكەرلەر ءۇشىن الماسۋ باعدارلاماسىن ىسكە قوسۋ تۋرالى كەلىسىمگە كەلدى. ىنتىماقتاستىقتىڭ باسىم باعىتتارى قولونەر, ديزاين جانە ءسان سالالارى بولادى. سونداي-اق قىتايلىق ارىپتەستەرمەن كرەاتيۆتى يندۋستريا سالاسىنداعى بىرلەسكەن جوبالار تۋرالى ۋاعدالاستى.
كونفەرەنتسيانىڭ ءۇش كۇندىك باعدارلاماسىنا سەمينارلار, شەبەرلىك سىنىپتارى, ۆوركشوپتار, پلەنارلىق وتىرىستار كىرەدى. سونداي-اق WCCE اياسىندا كرەاتيۆتى يندۋستريا بويىنشا الەمدىك جەتىستىكتەر كورمەسى ءوتىپ جاتىر.
