فوتو: tolqyn.kz
«وكىلدى بيلىكتە ايەلدەردىڭ قاتارى كوبەيە ءتۇستى. ەلىمىزدە قىز-كەلىنشەكتەردىڭ باستامالارىنا جان-جاقتى قولداۋ كورسەتىلىپ جاتىر. ايەلدەردىڭ قۇقىعىن قورعاۋعا باسا نازار اۋدارىلىپ وتىر. وسىنىڭ ءبارى رەفورمانىڭ ناقتى ناتيجەسى ەكەنى ءسوزسىز», دەدى پرەزيدەنت.
مەملەكەت باسشىسى ەلدەگى ساياسي رەفورما پارتيالاردىڭ ايماقتاعى بەلسەندىلىگىن ارتتىرعانىن تىلگە تيەك ەتتى. ولار وبلىس, اۋدان ورتالىقتارىندا قارقىندى جۇمىس ىستەي باستادى. وسىلايشا ازاماتتاردىڭ ساياسي ۇدەرىسكە كەڭىنەن ارالاسۋىنا مۇمكىندىك تۋدى.
«جەر-جەردە ءتۇرلى ماسەلە تۋرالى اشىق تالقىلاۋلار ءوتىپ جاتىر. باسقاشا ايتساق, پىكىر الۋاندىعىنا جول اشىلدى. جۇرت جەرگىلىكتى ماسەلەلەردى شەشۋگە بەلسەنە اتسالىساتىن بولدى. بۇل «حالىق ۇنىنە قۇلاق اساتىن مەملەكەت» قاعيداتىمەن تولىق ۇندەسەدى», دەدى قاسىم-جومارت كەمەل ۇلى.
پرەزيدەنت ايتىپ وتكەندەي, ساياسي رەفورمالاردىڭ ناتيجەسىندە ءماسليحاتتاردىڭ قۇزىرەتى دە كەڭەيە ءتۇستى. دەپۋتاتتار وبلىستىڭ جانە رەسپۋبليكالىق ماڭىزى بار قالالاردىڭ اكىمدەرىن بالامالى نەگىزدە تاڭدايتىن بولدى.
«اتقارۋشى بيلىككە ىقپال ەتە الاتىن باسقا دا قۇزىرەتتەر بەرىلدى. سوندىقتان ءماسليحاتتار ايماقتىڭ الەۋمەتتىك جاعدايىنا اكىمدىكتەرمەن بىردەي جاۋاپتى. دەپۋتاتتار وكىلدى بيلىك فۋنكتسياسىن حالىقتىڭ سەنىمىنە ساي جوعارى دەڭگەيدە اتقارۋى كەرەك», دەدى مەملەكەت باسشىسى فورۋم بارىسىندا.
