مەكتەپكە دەيىنگى ءبىلىمنىڭ ماڭىزى زور

«جايلى مەكتەپ» جوباسى اياسىندا 2025 جىلدىڭ سوڭىنا دەيىن ەلىمىزدە زاماناۋي ۇلگىدەگى 217 مەكتەپ سالىنىپ, پايدالانۋعا بەرىلەتىنى قۋانتتى. وسى وزەكتى ماسەلە ۇكىمەت پەن جەرگىلىكتى اكىم­دىكتەر بەلسەنە اتسالىسۋعا ءتيىس ەكەنى ەرەكشە تاپسىرما رەتىندە قوزعالىپ, دەپۋتاتتار دا ورتاق ىستەن شەت قالماۋ كەرەكتىگى ايتىلدى.

ۇكىمەتكە جايلى مەكتەپتەردى ارنايى باسقارۋ جۇيەسىن ەنگىزۋدى ويلاستىرۋى كەرەكتىگى تاپسىرىلىپ, سونىمەن بىرگە ەلىمىزدەگى 1 300 مەكتەپكە كۇردەلى جوندەۋ جۇرگىزۋ قاجەتتىگى جۇكتەلدى. «ۇكى­مەت اكىمدەرمەن بىرگە ونى قار­جىلاندىرۋ كوزدەرىن انىقتاپ, سونىڭ ىشىندە دەمەۋشىلەردەن دە قاراجات تارتىپ, 3 جىل ىشىندە بۇل مەكتەپتەردى تولىق جاڭارتۋى كەرەك», دەگەن پرەزيدەنت ءبىلىم ساپاسىنا ايرىقشا ءمان بەردى.

ويتكەنى ەلىمىزدە ءالى كۇنگە دەيىن ءۇش اۋىسىمدا وقىپ جات­قان, جون­دەۋدى قاجەت ەتەتىن, احۋالى كۇر­دەلى ءبىلىم وشاقتارى بارشىلىق.

قازىرگى زاماندا وقۋشىلاردىڭ, اۋىل مەكتەپتەرى بالالارىنىڭ دا زامانعا ساي ءبىلىم الۋعا تولىق قۇقىعى بار. كەز كەلگەن وقۋشىنىڭ ءبىلىم الۋ قۇقىعى شەكتەلمەۋى كەرەك. پرەزيدەنت وسى ماسەلەلەرگە, اسىرەسە اۋىل ازاماتتارىنىڭ ەڭ­بەك­پەن, جۇمىسپەن قامتىلۋىنا, الەۋمەتتىك جاعدايىنىڭ كوتە­رىلۋىنە, مەكتەپكە دەيىنگى جاستاعى بالالاردىڭ مەكتەپكە قانداي دايىندىقپەن كەلەتىنىنە ەرەكشە كوڭىل ءبولدى.

مەملەكەت باسشىسى «ۇستازدار – ۇلتتىڭ زياتكەرلىك قۋاتى. ولار ءبىلىمدى ۇرپاق تار­بيەلەۋ ارقىلى ەلىمىزدىڭ ور­كەندەۋىنە جول اشادى. ۇزدىك وقۋ باع­دارلاماسى, زاماناۋي مەكتەپتەر, وزىق باسقارۋ جۇيەسى بولسا دا, ۇستاز بىلىكتى بولماسا, ونىڭ ءبارى بەكەر ەكەنى انىق» دەگەنى كوپشىلىكتىڭ كوڭىلىندەگىنى ءدوپ باس­تى.

قانداي كەرەمەت باعدارلاما بولسىن, قانداي كەرەمەت سوڭعى ۇلگىمەن جابدىقتالعان مەكتەپ بولسىن, ونداعى ءبىلىم ساپاسىنداعى شەشۋشى تۇلعا قاشاندا مۇعالىم بولىپ قالا بەرمەك. ورتا ءبىلىم بەرۋ ساپاسى ەلىمىزدىڭ كەلەشەگىن ايقىندايدى. ياعني وقۋشى 11 جىلىن مەكتەپتە وتكىزەدى. ونىڭ وسى ۋاقىت ارالىعىندا ۇلگى-ونەگە الاتىن تۇلعاسى – ۇستاز.

جاقىندا عانا ءبىر زەرتتەۋدەن وقۋشىنىڭ مۇعالىمنەن العان ءبىلىمى, ءتالىمى ونىڭ مەكتەپتەن كەيىنگى ءومىرىنىڭ جيىرما جىلىنا اسەر ەتەتىنىن وقىپ ەدىم. ياعني تۇلەكتىڭ كەلەشەك جيىرما جىلىندا بولعان وزگەرىستەرگە ۇستازدىڭ كەزىندە بەرگەن ءتالىم-تاربيەسى كوپ مانگە يە.

پرەزيدەنت قاي مامان بولسىن ءوزىنىڭ ىسىنە ادال, جاۋاپكەر­شىلىكپەن قىزمەت ەتۋىنە ەرەكشە باسىمدىق بەرۋى كەرەك ەكەنىن ايتتى. سون­دىقت­ان ۇستازدار قاۋى­مىنا بۇل جاۋاپكەرشىلىك ەكى ەسە جۇكتەلەدى.

مەكتەپتەردە قازىر ء«بىرتۇتاس ۇلت» تاربيە باعدارلاماسى جۇر­گىزىلىپ جاتىر. پرەزيدەنت ۇلتتىق قۇ­رىلتايدا ايتىپ وتكەن وتانشىل­دىق, جاسامپازدىق, زاڭ, ءتارتىپ, كاسىپقويلىق, ەڭبەكقورلىق قۇندى­لىقتارىنىڭ نەگىزىندە بارلىق مەكتەپتە اتا-انالاردى قولدايتىن ورتالىقتار قۇرىلىپ, جان-جاقتى كەشەندى جۇزەگە اسىرىلىپ كەلەدى.

بايان بازارعاليەۆا,

دارىندى جاسوسپىرىمدەرگە ارنالعان ء«بىلىم-يننوۆاتسيا» ليتسەي-ينتەرناتىنىڭ مۇعالىمى

اقتوبە وبلىسى