فوتو: istockphoto.com
«تاياۋ شىعىستاعى جاعدايدىڭ ۇشىعۋىنا بايلانىستى قازاقستاننىڭ تەل-اۆيۆتەگى ەلشىلىگى يزرايلدەگى بارلىق قازاقستان ازاماتىنا قاۋىپسىزدىك شارالارىن بارىنشا كۇشەيتۋدى, ساقتىق پەن قىراعىلىق تانىتۋدى, سوڭعى جاڭالىقتاردى قاداعالاۋدى, سونداي-اق قازاقستان ەلشىلىگىمەن بايلانىستا بولۋدى سۇرايدى», دەلىنگەن ۇندەۋدە.
سونداي-اق يزرايلدەگى قازاقستان ازاماتتارى ءۇشىن جەدەل جەلى ىسكە قوسىلدى.
قازاقستاننىڭ يزرايلدەگى ەلشىلىگىنىڭ بايلانىس نومىرلەرى:
- +972 (3) 503 78 85 (كەزەكشى);
- +972 53 635 19 83 (ۇيالى تەلەفون, WhatsApp);
- +972 55 273 38 13 (ۇيالى تەلەفون, WhatsApp);
- +7 700 111 31 96 (WhatsApp).
ايتا كەتەيىك, 2024 جىلدىڭ 1 قازانىنا قاراعان ءتۇنى يزرايل ارمياسى ليۆاننىڭ وڭتۇستىگىندە قۇرلىق وپەراتسياسى باستالعانىن مالىمدەدى. كەيىن يران يزرايلگە قاراي 500-گە جۋىق زىمىران ۇشىرعانى حابارلانعان ەدى. تساحال وكىلى دانيەل حاگاري زىمىرانداردىڭ ءبىر بولىگى اتىپ تۇسىرىلگەنىن ايتتى.
فوتو: AFP
يزرايل سىرتقى ىستەر مينيسترلىگى بۇل وقيعانى قاتاڭ ايىپتاپ, بەيبىت تۇرعىندارعا شابۋىل جاسالعانىن العا تارتتى.
ايتا كەتەيىك, بۇگىن 2 قازاندا قر سىرتقى ىستەر مينيسترلىگى دە تاياۋ شىعىستاعى جاعدايعا قاتىستى شۇعىل مالىمدەمە جاسادى.
ء«بىز بەيبىت تۇرعىنداردىڭ قازاسى مەن جاعدايدىڭ ودان ءارى ناشارلاۋىنا جول بەرمەۋ ماقساتىندا بارلىق قاتىسۋشى تاراپتاردى سابىرلىلىق تانىتىپ, كۇش قولدانۋدان باس تارتۋعا شاقىرامىز. وسىعان بايلانىستى, كەلىسپەۋشىلىكتەردى بۇۇ جارعىسى مەن حالىقارالىق قۇقىق قاعيداتتارى اياسىندا تەك ساياسي-ديپلوماتيالىق جولدارمەن شەشۋ ءۇشىن جەدەل شارالار قابىلداۋدىڭ ماڭىزدىلىعىن اتاپ وتەمىز», دەپ مالىمدەدى ۆەدومستۆونىڭ ءباسپاسوز حاتشىسى ايبەك سمادياروۆ.
