فوتو: gov.kz
كەلىسسوزدەر بارىسىندا تاراپتار قازاقستاندى وڭتۇستىك كورەياداعى ەڭبەككە رۇقسات بەرۋ جۇيەسىنە – Employment Permit System (بۇدان ءارى – EPS) ەنگىزۋ ماسەلەلەرىن تالقىلادى.
«الماتى قالاسىندا كورەيا رەسپۋبليكاسىندا جۇمىس ىستەگىسى كەلەتىن قر-نىڭ ازاماتتارىن كاسىپتىك جانە تىلدىك دايارلاۋ بويىنشا كوپسالالى ورتالىق قۇرىلىپ جاتىر», دەدى اسقاربەك ەرتاەۆ.
سونداي-اق ول تەحنيكالىق ماماندىقتار بويىنشا تەستىلەۋ, مەديتسينالىق تەكسەرۋ, بىلىكتىلىكتى ارتتىرۋ بويىنشا وقىتۋعا دايىن بىرقاتار الەۋمەتتىك جانە وندىرىستىك وبەكتىلەر انىقتالعانىن حابارلادى.
«قر ىشكى ىستەر مينيسترلىگىمەن بىرلەسىپ زاڭسىز كوشى-قوننىڭ جولىن كەسۋگە جانە زاڭدى ەڭبەك قىزمەتىن كەڭەيتۋ ءۇشىن جاعداي جاساۋعا باعىتتالعان شارالاردى كۇشەيتۋ ماسەلەلەرى پىسىقتالىپ جاتىر», دەپ تولىقتىردى ۆيتسە-مينيستر.
كەلىسسوزدەر قورىتىندىسى بويىنشا كورەيا رەسپۋبليكاسى جۇمىسپەن قامتۋ جانە ەڭبەك مينيسترلىگىنىڭ وكىلدەرى قازاقستاندى EPS جۇيەسىنە قوسۋ تۋرالى نيەتىن تاعى دا راستادى, بۇل قازاقستان ازاماتتارىنا جاسالعان ەڭبەك شارتتارى شەڭبەرىندە وڭتۇستىك كورەيادا زاڭدى تۇردە جۇمىس ىستەۋگە مۇمكىندىك بەرەدى.
كەزدەسۋ سوڭىندا تاراپتار ەكى ەل اراسىنداعى ەڭبەك كوشى-قونى سالاسىنداعى ىنتىماقتاستىقتى تەرەڭدەتۋدىڭ ماڭىزدىلىعىن اتاپ ءوتتى, بۇل – شەتەلدە جۇمىسقا ورنالاسۋعا ۇمتىلاتىن قازاقستان ازاماتتارى ءۇشىن جاعدايدى جاقسارتۋعا, سونداي-اق ولاردىڭ كاسىبي دايارلىق دەڭگەيىن ارتتىرۋعا مۇمكىندىك بەرەدى.
