فوتو: el.kz
سەناتورلار ەلىمىزدىڭ تۇراقتى دامۋى ءۇشىن اەس جوباسىنىڭ ماڭىزى تۋرالى ەگجەي-تەگجەيلى بايانداعان. ولار اتوم ستانتسياسىن سالۋ ەلەكتر ەنەرگياسىنا دەگەن ءوسىپ كەلە جاتقان سۇرانىستى قاناعاتتاندىرۋدا ماڭىزدى قادام عانا ەمەس, سونىمەن قاتار ۇزاق مەرزىمدى ەكونوميكالىق پايدا ەكەنىن اتاپ ءوتتى.
جوبا جاڭا جۇمىس ورىندارىن اشۋعا, ينۆەستيتسيا تارتۋعا جانە قازاقستان ەكونوميكاسىنا جوعارى تەحنولوگيالىق شەشىمدەردى ەنگىزۋدى جەدەلدەتۋگە مۇمكىندىك بەرەدى. سونىمەن قاتار, اتوم ەنەرگەتيكاسى وتاندىق عىلىم مەن تەحنولوگيانىڭ دامۋىنا ىقپال ەتەدى, بۇل ەلىمىزدىڭ حالىقارالىق ارەناداعى پوزيتسياسىن نىعايتادى.
پارلامەنتشىلەر سونداي-اق اتوم ستانتسيالارىنىڭ قاۋىپسىزدىگى ماسەلەسىنە توقتالىپ, جوبا حالىقارالىق قاۋىپسىزدىك پەن ەكولوگيا ستاندارتتارىنا تولىق سايكەس كەلەتىنىن اتاپ ءوتتى. تابيعي اپاتتارعا بايلانىستى قاۋىپتەر جانە ولاردى ازايتۋ مۇمكىندىكتەرى قاراستىرىلدى. بالاما ەنەرگيا كوزدەرىن تالقىلاۋعا ەرەكشە نازار اۋدارىلدى. الايدا سەناتورلار ءدال وسى كەزەڭدە قازاقستانعا اتوم ەنەرگەتيكاسى ەڭ ءتيىمدى شەشىم بولىپ تابىلاتىنىن اتاپ ءوتتى.
دەپۋتاتتار بارلىق تۇرعىنداردى الداعى رەفەرەندۋمعا بەلسەندى قاتىسۋعا شاقىرىپ, ەلىمىزدىڭ بولاشاق ەنەرگەتيكالىق سەكتورىن قالىپتاستىرۋدا ءاربىر ازاماتتىڭ پىكىرى مەن داۋىسى ماڭىزدى ەكەنىن اتاپ ءوتتى. تۇرعىندار تالقىلانعان ماسەلەلەرگە زور ىقىلاس تانىتىپ, اەس قۇرىلىسىنا قولداۋ ءبىلدىردى. جوبانىڭ بۇكىل ەلىمىز بەن ءوڭىردىڭ تۇراقتى دامۋىنا اسا قاجەتتىگى تۋرالى ايتىلدى.
