فوتو: استانا اكىمدىگى
ەسكەرتكىشتى قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين جانە جازۋشىنىڭ تۋىسى ديار قوناەۆ اشتى.
ەرلان قارين مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن وقىپ بەردى. پرەزيدەنتتىڭ قۇتتىقتاۋ حاتىندا: «مۇحتار اۋەزوۆ – ۇلت رۋحانياتىندا ايرىقشا ورنى بار ۇلى جازۋشى. ول شىعارمالارىندا حالقىمىزدىڭ ءبىتىم-بولمىسى مەن تىنىس-تىرشىلىگىن شەبەر سۋرەتتەدى. قالامگەردىڭ تەڭدەسسىز تۋىندىلارىنان انا ءتىلىمىزدىڭ بايلىعى مەن ءتول وركەنيەتىمىزدىڭ تەرەڭدىگى ايقىن كورىنەدى. شىن مانىندە, جۇرتىمىزدىڭ جان دۇنيەسىن بىلگىسى كەلگەن ادام ەڭ الدىمەن اۋەزوۆتى وقۋى كەرەك», دەپ كورسەتىلگەن.
سونىمەن قاتار ءىس-شاراعا زيالى قاۋىم وكىلدەرى, جازۋشىلار, مادەنيەت سالاسىنىڭ قايراتكەرلەرى, قوعامدىق كەڭەس مۇشەلەرءى, قالالىق ءماسليحات دەپۋتاتتارى جانە مۇحتار اۋەزوۆتىڭ تۋىستارى قاتىستى.
مۇسىنشىلەر ايدوس بۇركىتباەۆ پەن تيمۋر ەرمۇحامەتوۆ جاساعان ساۋلەت ونەرىنىڭ تۋىندىسى استانا قالاسىنداعى قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ الدىندا ورناتىلدى.
