جاپپاي ديكتانتقا ءار وڭىردەن كەلگەن گازەت-جۋرنالدىڭ, راديو, تەلەارنالاردىڭ, اقپاراتتىق سايتتاردىڭ تىلشىلەرى مەن ءباسپاسوز حاتشىلارى قاتىستى.
ديكتانتتى جۇرگىزگەن جۋرناليست ءمولدىر دوسپاەۆانىڭ ايتۋىنشا, بۇل جەردەگى ماقسات - بىرەۋدىڭ قاتەسىن بەتىنە باسۋ ەمەس, كەرىسىنشە تەلەارنا مەن راديو تىلشىلەرىنىڭ تىلدىك قورىن دامىتۋ, ساۋاتتى جازۋعا داعدىلاندىرۋ.
«تەلەارنا مەن راديودا نەگىزىنەن ءسوزدىڭ ماعىناسىنا, سالماعىنا نازار اۋدارىلادى دا, تىنىس بەلگىلەرى ۇمىتىلا باستايدى. جاپپاي ديكتانت جازۋ ساۋاتتى جازۋعا مۇمكىندىك بەرەدى», دەدى ءمولدىر دوسپاەۆا.
