فوتو ru.freepik.com
ۇيىندە وتىرىپ, اناسىمەن سوزگە كەلىپ قالعان ەر ادام, قاتتى اشۋعا بەرىلىپ قاريانىڭ باسى مەن دەنەسىنە جۇدىرىق جۇمساپ, ءتىپتى اياعىمەن دە تەپكىلەگەن. اۋىر سوققىدان قارت انا ايتارلىقتاي زارداپ شەككەن.
اتاپ ايتار بولساق, جابىق باس-مي جاراقاتىن العان: ميدىڭ شايقالۋىنىڭ وتكىر كەزەڭى, وڭ كوز وربيتاسىنىڭ ءبۇيىر قابىرعاسىنىڭ سىنۋى, وڭ جاق بەتسۇيەك دوعاسىنىڭ سىنۋى, وڭ جاق گايمور قۋىسىنىڭ الدىڭعى جانە ارتقى قابىرعالارىنىڭ سىنۋى, گەموسينۋس دامۋى, بەتتىڭ كوگەرۋى; وڭ جاقتاعى كەۋدە قۋىسىنىڭ جابىق جاراقاتى, 3, 4, 5, 6 قابىرعالارىنىڭ سىنۋى; ءبىرىنشى بەل ومىرتقاسىنىڭ جابىق, اسقىنباعان كومپرەسسيالىق سىنۋى تىركەلگەن.
كۇشى تاسىعان ۇلدىڭ ارەكەتىنە كورشىلەرى كۋا بولعان. ساراپتامالاردىڭ قورىتىندىسى جانە ءىستىڭ باسقا دا ماتەريالدارىمەن ايىپتالۋشىنىڭ كىناسى تولىقتاي دالەلدەنگەن.
اۋداندىق سوت ونىڭ قولىمەن جاساعانىن موينىمەن كوتەرىپ, كىناسىن مويىنداۋدان باس تارتقانىن, ىستەگەن ىسىنە وكىنبەگەنىن, جاقىن ادامىنا دەنە جاراقاتىن سالعانىن ەسكەرە وتىرىپ, ءۇش جىلعا باس بوستاندىعىنان ايىرۋعا شەشىم قابىلدادى.
«ايىپتالۋشى ۋ.-عا 2024 جىلعى 23 قىركۇيەكتەگى سوت ۇكىمىمەن ورتاشا قاۋىپسىزدىك قىلمىستىق-اتقارۋ جۇيەسى مەكەمەسىندە 3 جىل مەرزىمگە باس بوستاندىعىنان ايىرۋ جازاسى تاعايىندالدى. تالاپ-ارىزدار تولىق قاناعاتتاندىرىلىپ, 1 000 000 تەڭگە مورالدىق زياندى وتەۋ سوماسى مەن قورعاۋشىلارعا تولەنگەن شىعىندار ءوندىرىلدى», دەلىنگەن اۋداندىق سوتتىڭ حابارلاماسىندا.
