فوتو ru.freepik.com
ۇيىم باسشىسى جالعان كۋالىك بەرگەنى ءۇشىن كوممەرتسيالىق ساتىپ الۋ رەتىندە زاڭسىز اقشا قاراجاتىن يەمدەنگەن. بۇل دەرەكتى قر قارجىلىق مونيتورينگ اگەنتتىگىنىڭ پاۆلودار وبلىسى بويىنشا ەتد قىزمەتكەرلەرى انىقتادى.
تەكسەرۋ بارىسىندا وقىتۋدىڭ ءىس جۇزىندە جۇرگىزىلمەي, قۇجاتتار فورمالدى تۇردە جاسالعانى بەلگىلى بولدى.
«ەلەكترو-گازبەن دانەكەرلەۋشى ماماندىعىن العان ادام قۇرىلىس, مۇناي ءوندىرۋ سەكىلدى ماڭىزدى سالالاردا جاۋاپتى قىزمەت اتقاراتىندىقتان, وقىتۋسىز سەرتيفيكات بەرۋ قاۋىپتى», دەلىنگەن ۆەدومستۆو حابارلاماسىندا.
اقسۋ قالالىق سوتىنىڭ ۇكىمىمەن كاسىپورىن باسشىسى كىنالى دەپ تانىلىپ, وعان وقىتۋ-ءبىلىم بەرۋ قىزمەتىمەن بايلانىستى كوممەرتسيالىق ۇيىمداردا باسشى لاۋازىمداردى اتقارۋ قۇقىعىنان 2 جىلعا ايىرا وتىرىپ, 1 جىل 6 اي مەرزىمگە باس بوستاندىعىن شەكتەۋ جازاسى تاعايىندالدى.
