اشىق دەرەككوز
32 جاستاعى مارقۇمنىڭ دەنەسىن كەنىشتەن ارىپتەستەرى شىعارىپ العان. قازىر وقيعا ورنىندا ەڭبەك ينسپەكتورلارى تەرگەۋ جۇرگىزىپ جاتىر.
قايعىلى وقيعا حرومتاۋ اۋدانىندا ورنالاسقان «اقتوبە مىس» كومپانياسىنىڭ كەن ورنىندا بولعان. ۇگىتۋ اپپاراتىن باسقاراتىن جۇمىسشى تۇنگى اۋسىمعا شىققان. الدىن الا مالىمەت بويىنشا, جۇمىسشى كەننىڭ جوعارىدان وپىرىلىپ تۇسكەنىن اڭعارىپ ۇلگەرمەگەن دەگەن بولجام بار. جۇمىسشى وقيعا ورنىندا قازا تاپتى.
جۇمىس بەرۋشى مارقۇمنىڭ وتباسىنا ماتەريالدىق كومەك كورسەتىلەتىنىن اتاپ ءوتتى.
«شاحتادا كەن وپىرىلعان. جازاتايىم وقيعا دەپ ايتۋعا بولادى. تەرگەپ-تەكسەرۋ 20 قازاندا اياقتالادى», دەدى اقتوبە وبلىسى ەڭبەك ينسپەكتسياسى باسقارماسىنىڭ مەملەكەتتىك ينسپەكتورى اسحات جۇمالى.
ەسكە سالساق, بۇعان دەيىن اباي وبلىسىندا شاحتاداعى توتەنشە جاعدايدان كەنشى قازا تاپقان.
