فوتو: Midjourney
بيىل اقپان ايىندا پوليتسيا ءپاترۋلى قاراتال اۋدانىنىڭ باستوبە اۋىلىندا ادامنىڭ باسىن پوليەتيلەن پاكەتكە سالىپ العان موپەد جۇرگىزۋشىسىن ۇستاعان. كوپ ۇزاماي الماتىنىڭ 55 جاستاعى تۇرعىنى جاساعان قىلمىسىن مويىنداعان.
تەرگەۋ بارىسىندا انىقتالعانداي, ەر ادام ماس كۇيدە جۇمىس بەرۋشىسىن بالعامەن ۇرىپ ولتىرگەن. سودان سوڭ ءولى دەنەنى پىشاقپەن بولشەكتەپ, قالالىق زيراتقا ءبولىپ-ءبولىپ تاسۋعا تىرىسقان. جالعا العان ءۇيدى تىنتكەن پوليتسەيلەر ءولى دەنەنىڭ بىرنەشە پاكەتكە سالىنعان قالعان بولىكتەرىن تاپقان. مارقۇم 50 جاستاعى جەرگىلىكتى تۇرعىن ەكەنى انىقتالدى.
قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمى بويىنشا, ايىپتالۋشى 11 جىلعا باس بوستاندىعىنان ايىرىلدى.
