فوتو: News/ۇلتتىق قۇراما (telegram.org)
قىرعىزستاننىڭ كوكبورۇ فەدەراتسياسى قازاقستان كوكپارشىلارىن 1 قاراشا كۇنى ىستىقكول جاعاسىندا قارىمتا ويىن وتكىزۋگە شاقىرعان ەدى.
ەسكە سالا كەتەيىك, استانادا وتكەن دۇنيەجۇزىلىك كوشپەلىلەر ويىندارىندا ۇلتتىق قۇراما قىرعىزستاننىڭ كوكپارشىلارىنان باسىم ءتۇسىپ, جەڭىسكە جەتكەن ەدى. بىراق ويىن بارىسىندا ۇلتتىق قۇراما سپورتشىسى قارسىلاسىن قامشىمەن ۇرىپ, ويىننىڭ ارتى داۋعا ۇلاسقان.
«كوپشىلىك مۇنى 5-ءشى دۇنيەجۇزىلىك كوشپەلىلەر ويىندارىنىڭ فينالى بويىنشا قارىمتا كەزدەسۋ دەپ ويلاپ ءجۇر. قىرعىزستان تاراپى اشىق تۋرنيرگە قاتىسۋعا شاقىردى. ەسكەرە كەتەتىن جايت, بۇل تۋرنير ءبىزدىڭ كۇنتىزبەلىك جوسپارىمىزدا جوق. ول ۋاقىتقا ءوزىمىزدىڭ باسقا تۋرنيرلەرىمىز قويىلعان. الداعى ۋاقىتتا قىرعىزستان تاراپى كوكپاردان الەم چەمپيوناتى نەمەسە حالىقارالىق تۋرنيرلەرگە شاقىرعان جاعدايدا ديالوگ جۇرگىزۋگە ءازىر ەكەنىمىزدى جەتكىزەمىز. بۇل قۋانتارلىق جاعداي. ۇلتتىق ويىنىمىزدىڭ دەڭگەيى ءبىر ساتى كوتەرىلگەندىگىنىڭ بەلگىسى رەتىندە قابىلدايمىز», دەدى قازاقستاننىڭ كوكپار فەدەراتسياسى.
