فوتو: اشىق دەرەككوز
«2024 جىلدىڭ 19 قىركۇيەگىندە ساعات 14:20 شاماسىندا كاسىپورىننىڭ ەكى قىزمەتكەرى زارداپ شەكتى. الدىن الا سەبەپ - تاس ماسساسىنىڭ وپىرىلۋى. زارداپ شەككەندەردىڭ ءبىرى العان جاراقاتتارىنان اۋرۋحانادا كوز جۇمدى. ەكىنشىسىنە مەديتسينالىق كومەك كورسەتىلگەن سوڭ ۇيىنە قايتارىلدى», دەپ حابارلادى كومپانيادان.
قايعىلى وقيعانىڭ ءمان-جايىن انىقتاۋ ءۇشىن ارنايى كوميسسيا قۇرىلعانى حابارلاندى. KAZ Minerals Group ديرەكتورلار كەڭەسىنىڭ توراعاسى ولەگ نوۆاچۋك اپاتتى تەرگەۋگە جەكە قاتىسۋ ءۇشىن ورلوۆ شاحتاسىنا بارعان.
«KAZ Minerals توبىنىڭ باسشىلىعى مەن ۇجىمى مارقۇمنىڭ وتباسى مەن جاقىندارىنا قايعىرىپ كوڭىل ايتادى. كومپانيا مارقۇمنىڭ وتباسىنا جان-جاقتى كومەك كورسەتەدى», دەپ اتاپ ءوتتى كومپانيا وكىلدەرى.
