فوتو: اقوردا
قاسىم-جومارت توقاەۆقا ەلىمىزدەگى كريمينوگەندىك احۋال جايىندا مالىمەت بەرىلدى.
ءمينيستردىڭ ايتۋىنشا, جىل باسىنان بەرى قىلمىس دەڭگەيىنىڭ تومەندەۋى بايقالىپ وتىر. اتاپ ايتقاندا, قىلمىستىق قۇقىق بۇزۋشىلىقتار سانى ءتورت مىڭعا, سونىڭ ىشىندە قىلمىس جەتى مىڭعا ازايعان. قوعامدىق ورىنداردا جاسالاتىن جانە كامەلەتكە تولماعان جاسوسپىرىمدەردىڭ قاتىسى بار قۇقىق بۇزۋشىلىقتار تومەندەگەن. سونىمەن قاتار قىلمىستىڭ بارلىق ءتۇرىن اشۋ كورسەتكىشى جاقسارعان.
مەملەكەت باسشىسىنا ۇيىمداسقان, كيبەر جانە ەسىرتكى قىلمىستارىنا قارسى ءىس-قيمىل, جول قاۋىپسىزدىگىن قامتاماسىز ەتۋ, سونداي-اق كادرلىق الەۋەتتى ارتتىرۋ جونىندە بۇعان دەيىن بەرگەن تاپسىرمالارىنىڭ ورىندالۋ بارىسى باياندالدى.
مينيستر «زاڭ جانە ءتارتىپ», قۇقىق بۇزۋشىلىققا مۇلدەم توزبەۋشىلىك قاعيداتتارىن ىسكە اسىرۋ, سونداي-اق قىلمىستىڭ الدىن الۋ شارالارى تۋرالى ايتتى. جىل باسىنان بەرى اكىمشىلىك قۇقىق بۇزۋشىلىقتىڭ جولىن كەسۋ كورسەتكىشى 45 پايىزعا ۇلعايعان, سونىڭ ىشىندە ۇساق بۇزاقىلىق ءۇشىن جاۋاپقا تارتىلعاندار 30 پايىزعا, جول ءجۇرۋ ەرەجەسىن بۇزۋ فاكتىلەرىن انىقتاۋ 47 پايىزعا ارتقان. ناتيجەسىندە جۇرگىزۋشى كۋالىگىنەن ايىرىلعاندار سانى ەكى ەسە كوبەيگەن.
بۇدان بولەك, پرەزيدەنتكە قىلمىستىق-اتقارۋ جۇيەسى مەكەمەلەرىندەگى جاعداي تۋرالى اقپارات بەرىلدى.
كەزدەسۋ سوڭىندا مەملەكەت باسشىسى ەلدەگى قۇقىقتىق ءتارتىپ پەن قوعامدىق قاۋىپسىزدىك دەڭگەيىن ودان ءارى ارتتىرۋ بويىنشا بىرقاتار مىندەت جۇكتەدى.
