سۋرەت: ru.freepik.com
جۇزدەسۋدە وتاندىق ەنەرگەتيكا نارىعىنىڭ قازىرگى جاي-كۇيى مەن ماسەلەلەرى تالقىلاندى. سەناتورلار مەتاللۋرگيا, كولىك, IT, مەديتسينا, فارماتسەۆتيكا جانە اۋىل شارۋاشىلىعى ونىمدەرىن وڭدەۋ سالالارىندا جاڭا جوبالاردى جۇزەگە اسىرۋ بارىسىندا تۋىنداعان ەلەكتر ەنەرگياسى تاپشىلىعىنىڭ وسە تۇسكەنىنە باسا نازار اۋداردى. وسىعان بايلانىستى ەنەرگەتيكالىق قاۋىپسىزدىكتى قامتاماسىز ەتۋ ءۇشىن تازا ەنەرگيا كوزى رەتىندە اتوم ەلەكتر ستانساسىن سالۋدىڭ ماڭىزى زور بولىپ وتىر.
ءىس-شارا بارىسىندا قاتىسۋشىلار تەحنولوگيا مەن قۇرىلىس اۋدانىن تاڭداۋ, سونداي-اق قاۋىپسىزدىك, ەكولوگيا جانە الەمدىك تاجىريبە ماسەلەلەرىن تالقىلادى. دەپۋتاتتار كەزدەسۋ قورىتىندىسى بويىنشا اەس سالۋ باستاماسىنا قولداۋ ءبىلدىردى جانە وسى جوبانىڭ بارلىق ءمان-جايىن حالىققا كەڭىنەن ءتۇسىندىرۋ قاجەتتىگىن اتاپ ءوتتى.
