فوتو: اشىق دەرەككوز
سىبايلاس جەمقورلىققا قارسى ءىس-قيمىل اگەنتتىگىنىڭ حابارلاۋىنشا, د.ءابساتتاروۆ بيزنەس وكىلدەرىنە ۇلىنىڭ وقۋىنا 1,4 ملن تەڭگە سوماسىندا اقى تولەۋ جانە قۇنى 6,8 ملن تەڭگە ديزەل وتىنىن بەرۋ قاجەتتىگى تۋرالى زاڭسىز نۇسقاۋلار بەرۋ ارقىلى لاۋازىمدىق وكىلەتتىگىن اسىرا پايدالانعانى ءۇشىن كىنالى دەپ تانىلعان.
بۇدان بولەك, شەنەۋنىك ءوڭىر كاسىپورىندارىنىڭ سۇيىتىلعان گازدىڭ ءتيىستى كولەمىن الۋ قۇقىعىن شەكتەۋ ارقىلى بيزنەس سۋبەكتىلەرىنە 26,9 ملن تەڭگە سوماسىندا زالال كەلتىرە وتىرا, زاڭدى كاسىپكەرلىك قىزمەتپەن اينالىسۋعا كەدەرگى جاساعانى ءۇشىن سوتتالعان.
«سوت ۇكىمىمەن ابساتتاروۆقا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ءومىر بويىنا ايىرا وتىرىپ, 9 اي باس بوستاندىعىنان ايىرۋ تۇرىندەگى جازا تاعايىندالدى, سونداي-اق مەملەكەتتىك ناگرادا – «ەرەن ەڭبەگى ءۇشىن» مەدالىنەن ايىرۋ تۋرالى ۇسىنىس ەنگىزىلدى», دەلىنگەن حابارلامادا.
سوت ۇكىمى زاڭدى كۇشىنە ەندى.
