فوتو: depositphotos.com
وعان بەلگىسىز ادامدار قوڭىراۋ شالىپ, وزدەرىن كۇش قۇرىلىمدارىنىڭ قىزمەتكەرلەرى رەتىندە تانىستىرعان. الاياقتار ونىڭ بانكتىك شوتىنا كۇماندى وپەراتسيا جۇرگىزىپ جاتقانىن جانە سول ءىستى تەرگەپ جاتقانىن ايتىپ سەندىرگەن, قولسۇعۋشىلىقتى توقتاتۋ ءۇشىن زەينەتكەر جيعان-تەرگەنىن باسقا بانكتەگى «قاۋىپسىز شوتقا» اۋدارۋى ءتيىس بولعان. بۇنى ەستىگەن قالا تۇرعىنى كورسەتىلگەن بانككە 3 ميلليون تەڭگە سوماسىندا قولما-قول اقشا الىپ بارا جاتقان. بىراق اقشانى بانكومات ارقىلى قالاي اۋدارۋ كەرەك ەكەنىن بىلمەگەن, بارار جولدا پوليتسيا بەكەتىن كورگەن. اسىققان ايەل بەكەتتىڭ ىشىندە وتىرعان پوليتسيا قىزمەتكەرىنەن كومەك سۇراۋدى ءجون كورگەن.
مودۋلدە كەزەكشىلىكتە وتىرعان پاترۋلدىك پوليتسيا باتالونىنىڭ ينسپەكتورى المات مۇحامەتقاليەۆ زەينەتكەردى تىڭداپ, حابارلاسقان بەيتانىستاردىڭ الاياقتار ەكەنىن ايتقان. بىردەن جەدەل تەرگەۋ توبىن شاقىرعان. اتالعان فاكتى اقپاراتتى ەسەپكە الۋ كىتابىندا تىركەلدى. وسىلايشا, ءتارتىپ ساقشىسى قىلمىستىڭ الدىن الدى.
