فوتو: ۇكىمەت
حابارلانعانداي, گەرمانيانىڭ فەدەرالدى كانتسلەرى ولاف شولتس «ورتالىق ازيا + گەرمانيا» ەكىنشى سامميتىنە قاتىسادى. ونىڭ شەڭبەرىندە ساۋدا-ەكونوميكالىق ءوزارا ءىس-قيمىل مەن بىرلەسكەن ينۆەستيتسيالىق جوبالاردى ىسكە اسىرۋدى قوسا العاندا, كەڭ اۋقىمدى باعىتتار بويىنشا ستراتەگيالىق ىنتىماقتاستىق پەن ارىپتەستىك ماسەلەلەرىن تالقىلاۋ جوسپارلانعان.
ايتا كەتەيىك, گەرمانيا قازاقستاننىڭ ماڭىزدى ساۋدا جانە ينۆەستيتسيالىق سەرىكتەسى سانالادى.
بيىلعى 7 ايدا ءوزارا ساۋدا كولەمى 2023 جىلدىڭ سايكەس كەزەڭىمەن سالىستىرعاندا 13%-عا ءوسىپ, $2,3 ملرد-تى قۇراعان. وتكەن جىلدىڭ قورىتىندىسى بويىنشا گەرمانيادان قازاقستانعا تىكەلەي ينۆەستيتسيالار كولەمى 64%-عا ۇلعايىپ, $770 ملن-عا جەتكەن. قاراجاتتىڭ نەگىزگى بولىگى باسىمدىق بەرىلىپ وتىرعان ەكونوميكانىڭ شيكىزاتتىق ەمەس سەكتورىن دامىتۋعا باعىتتالعان.
