فوتو قر ساۋدا جانە ينتەگراتسيا مينيسترلىگى
كەزدەسۋ بارىسىندا مينيستر قازاقستاننىڭ ساۋدا-ەكونوميكالىق بايلانىستاردى ارتتىرۋ ءۇشىن شاندۋنمەن ىنتىماقتاستىقتى نىعايتۋعا دايىن ەكەنىن ايتتى.
ء«بىز بىلتىردان بەرى قىتايمەن ساۋدا-ساتتىقتى ايماقتاندىرۋ ءپرينتسيپى بويىنشا, ءار وڭىرمەن ونىڭ ەرەكشەلىكتەرىن ەسكەرە وتىرىپ جۇمىس ىستەپ جاتىرمىز. بۇل ءتاسىل قازىردىڭ وزىندە سىچۋان, حۋبەي جانە شىڭجاڭ پروۆينتسيالارىندا قولدانىلعان», دەدى مينيستر.
سونداي-اق مينيستر قازاقستاننىڭ ەكسپورتتىق الەۋەتى, اوك نارىعىنا ءونىمنىڭ اشىق قولجەتىمدىلىگى جانە مۇزداتىلعان ەت پەن باسقا دا تاۋارلاردى جەتكىزۋدى جاڭارتۋ مۇمكىندىگى تۋرالى مالىمدەدى.
پروۆينتسيانىڭ حالىق ۇكىمەتى توراعاسىنىڭ ورىنباسارى سۋن تسزيۋنتسزي شاندۋن قالاسىندا «QazTrade» اق ساۋدا وكىلدىگىن اشۋدى ۇسىنىپ, بۇل ءوز كەزەگىندە وڭىردەگى وتاندىق بيزنەستىڭ مۇددەسىن ءتيىمدى قورعاۋعا مۇمكىندىك بەرەتىنىن اتاپ ءوتتى.
ساۋدا جانە ينتەگراتسيا ءمينيسترى ارمان شاققاليەۆ ۇسىنىستاردى زەردەلەۋگە دايىن ەكەنىن ءبىلدىردى.
ايتا كەتەيىك, 2024 جىلدىڭ جەتى ايىندا قازاقستان مەن شاندۋن پروۆينتسياسى اراسىنداعى تاۋار اينالىمى 869,1 ميلليون اقش دوللارىن قۇراعان. ەكسپورت 3,23%-عا ءوسىپ, 348 ملن اقش دوللارىن قۇراپ, وسى كەزەڭدە قازاقستانعا يمپورت 521,0 ملن اقش دوللارىنا جەتكەن.
