دەنساۋلىق ساقتاۋ مينيسترلىگىنىڭ مالىمەتىنشە, قازاقستاندا جىل سايىن جاتىر موينى وبىرىنىڭ 1900-گە جۋىق جاڭا جاعدايى تىركەلەدى (كۇن سايىن بەس جاڭا جاعداي), جىل سايىن 600-دەن استام ايەل وسى پاتولوگيادان قايتىس بولادى (كۇن سايىن ەكى ايەل قايتىس بولادى).
ددۇ ۇسىنىسى بويىنشا, 135 ەلدە, ونىڭ ىشىندە قازاقستاندا بۇل ۆاكتسينا ۇلتتىق ەگۋ كۇنتىزبەسىنە ەنگىزىلگەن.
كوپتەگەن الەمدىك زەرتتەۋ HPV ۆاكتسيناتسياسىنىڭ قاۋىپسىزدىگى مەن جوعارى تيىمدىلىگىن كورسەتەدى.
دەنساۋلىق ساقتاۋ مينيسترلىگى الەۋمەتتىك جەلىدە ۆاكتسينانىڭ قاۋىپتىلىگى تۋرالى جالعان حابارلاما تاراپ جاتقانىن ەسكەرتتى.
- الەۋمەتتىك جەلىدە جانە مەسسەندجەرلەردە HPV (ادام پاپيللوماۆيرۋسى) ۆاكتسيناتسياسى زارارسىزداندىرۋ مەن بەدەۋلىككە اكەلەتىنى تۋرالى اقپارات عىلىمعا قارسى, شىندىققا جاناسپايدى جانە جالعان.
جالعان اقپارات تاراتاتىن ادامداردىڭ ءىس-ارەكەتتەرىنە قۇقىقتىق باعا بەرۋ ءۇشىن ماتەريالدار قۇقىق قورعاۋ ورگاندارىنا بەرىلدى, - دەلىنگەن قر دەنساۋلىق ساقتاۋ مينيسترلىگىنىڭ حابارلاماسىندا.
دەنساۋلىق ساقتاۋ مينيسترلىگى قازاقستاندىقتاردى ءوز دەنساۋلىعىنا جاۋاپكەرشىلىكپەن قاراۋعا, رەسمي كوزدەردەن الىنعان سەنىمدى اقپاراتقا عانا سەنۋگە شاقىردى.
