فوتو: ەرلان ومار, «ەQ»
«بۇركىت سالۋ» ءسايىسىندا بىرىنشى ورىندى ۇلتتىق قۇراما مۇشەسى سەرىكبەك كۇنتۋعان «العىر» قۇسىمەن يەلەندى. 2 جاتتىعۋ بويىنشا وتكەن تارتىستى باسەكەدە ەكىنشى ورىندى «زاڭعار» اتتى قۇسىمەن ەرزات بايقاداموۆ جەڭدى. ال قولا مەدالدى قۇسبەگى ارمان قوشقاروۆ «نارىن» اتتى بۇركىتىمەن تۇيىندەدى.
«قارشىعا سالۋ» ساناتى بويىنشا «التىندى» «نايزاتۇياق» قۇسىمەن استانالىق قۇدايبەرگەن راۋيل ۇلى جەڭىپ السا, قىرعىزستان سپورتشىسى – اديلبەك قۇدايبەرديەۆ «قارامونشاق» قۇسىمەن كۇمىسپەن كۇپتەلدى. وسى سىندا تاعى ءبىر وتانداسىمىز باعدات كەۋەنوۆ «سومبالاق» قارشىعاسىمەن قولا مەدالعا قول جەتكىزدى.
«يتەلگى سالۋ» سىنىندا جۇلدەلى ەكى ورىندى قىرعىز سپورتشىلارى باكىت شامۋراتۋلى جانە تۇگەلباي ابدىكادىروۆ ءوزارا بولىسسە, قولا مەدال – ۇلتتىق قۇراما مۇشەسى باقداۋلەت باباجانعا بۇيىردى.
Q4 Tulpar Auto كومپانياسىنىڭ قولداۋىمەن قۇسبەگىلىك فەدەراتسياسى «بۇركىت سالۋ» ساناتىندا جەڭىمپاز اتانعان سەرىكبەك كۇنتۋعانعا جاڭا اۆتوكولىك تابىستادى.
بۇدان بولەك, V دۇنيەجۇزىلىك كوشپەلىلەر ويىندارى ديرەكتسياسىنىڭ اتىنان جەكە سپورت تۇرلەرىندە جەڭىمپاز اتانعاندارعا ءبىرىنشى ورىن ءۇشىن - 500 مىڭ تەڭگە, ەكىنشى ورىن يەلەنگەندەرگە - 300 مىڭ تەڭگە, قولا جۇلدەگەرگە - 200 مىڭ تەڭگەگە ارنايى سەرتيفيكات بەرىلدى.
