فوتو: قورعانىس مينيسترلىگى
وقۋ-جاتتىعۋعا ەكى ەلدىڭ اسكەري-اۋە كۇشتەرىنىڭ اسكەري قىزمەتشىلەرى مەن اۋە شابۋىلىنا قارسى قورعانىس ماماندارى قاتىستى.
اسكەري ءىس-شارا اۋە شابۋىلىنا قارسى قورعانىس كۇش-قۇرالدارىن بىرلەسىپ قولدانۋ ماسەلەلەرىن پىسىقتاپ, جاۋىنگەرلىك كەزەكشىلىك اتقارۋدىڭ ەرەكشە جاعدايلارىندا كومانديرلەردىڭ اسكەري بولىمدەردى باسقارۋ بويىنشا پراكتيكالىق داعدىلارىن دامىتۋعا باعىتتالعان.
وعان مايدان تىكۇشاقتارى, ارميا جانە اسكەري-كولىك اۆياتسياسىنىڭ ۇشاقتارى, سونداي-اق اۋە شابۋىلىنا قارسى قورعانىس اسكەرلەرىنىڭ كۇش-قۇرالدارى جۇمىلدىرىلدى.
وقۋ-جاتتىعۋ بارىسىندا اسكەري-اۋە كۇشتەرىنىڭ ۇشقىشتارى قىرعىزستان مەن تاجىكستاننىڭ اۋە كەڭىستىگىندە دە ۇشۋ جاتتىعۋلارىن ورىندايدى.
«اشىق اسپان-2024» جەدەل-ستراتەگيالىق كوماندالىق-شتابتىق وقۋ-جاتتىعۋىنا قر قارۋلى كۇشتەرى اۋە قورعانىسى كۇشتەرىنىڭ باس قولباسشىسى اۆياتسيا گەنەرال-لەيتەنانتى داۋرەن قوسانوۆ باسشىلىق ەتەدى.
«وسىنداي وقۋ-جاتتىعۋلاردى تۇراقتى تۇردە وتكىزىپ تۇرامىز. ولار دوستاس ەلدەردىڭ اسكەري قىزمەتشىلەرىنە اۋە شابۋىلىنا قارسى قورعانىس, جاۋىنگەرلىك ەسەپتوپتاردى ۇيلەستىرۋ جونىندەگى بىرلەسكەن مىندەتتەردى ورىنداۋ كەزىندە پراكتيكالىق تاجىريبە جيناقتاۋعا, وعان قوسا ەكى ەلدىڭ قورعانىس قابىلەتىن ارتتىرۋعا مۇمكىندىك بەرەدى», دەدى د. قوسانوۆ.
وقۋ-جاتتىعۋدىڭ ەرەكشەلىگى مەملەكەتتىك شەكارا نەمەسە اۋە كەڭىستىگىن پايدالانۋ قاعيدالارى بۇزىلعان جاعدايلاردا اۋە قورعانىسى كۇشتەرىنىڭ كوماندالىق پۋنكتتەرىمەن جانە شەكتەسىپ جاتقان مەملەكەتتەردىڭ (قىرعىزستان, تاجىكستان جانە وزبەكستان) باسقارۋ پۋنكتتەرىمەن ءوزارا ءىس-قيمىل جاساۋ ءتارتىبىن پىسىقتاۋ بولدى.
بۇدان باسقا «اشىق اسپان-2024» بىرلەسكەن وقۋ-جاتتىعۋى شەڭبەرىندە تاۋەلسىز مەملەكەتتەر دوستاستىعىنىڭ بىرىككەن اۋە شابۋىلىنا قارسى قورعانىس جۇيەسى شەڭبەرىندە اسكەرلەردى قارسىلاس اۆياتسيانىڭ سوققىلارىن تويتارۋ جونىندە پراكتيكالىق ءىس-قيمىلدارعا دايىنداۋ جۇرگىزىلدى.
