فوتو: ۆيدەودان الىنعان كادر
باس پروكۋراتۋرانىڭ مالىمەتىنشە, كۇدىكتى 2016-2017 جىلدارى الماتى قالاسىندا بىرنەشە رەت ءدىني الاۋىزدىقتى تۋدىرۋعا, ازاماتتاردىڭ ءدىني سەزىمدەرىن قورلاۋعا جانە ولاردىڭ دىنگە دەگەن كوزقاراسى نەگىزىندە ولاردىڭ ەكسكليۋزيۆتىلىگىن, ارتىقشىلىعىن جانە كەمىستىگىن ناسيحاتتاۋعا باعىتتالعان ارەكەتتەر جاساعان.
«بۇل قىلمىستىڭ وزگە دە قاتىسۋشىلارى ءارتۇرلى جاۋاپتىلىققا تارتىلدى, ال كۇدىكتى قىلمىس جاساعاننان كەيىن بوي تاسالاپ, حالىقارالىق ىزدەۋگە جاريالاندى. وسىدان كەيىن, 2017 جىلى ول ماسكەۋدە قاراقشىلىق جاساپ, سوتتالعان. رەسەيدە جازاسىن وتەگەننەن كەيىن اتالعان ادام قىلمىستىق جاۋاپكەرشىلىككە تارتۋ ءۇشىن قازاقستانعا قايتارىلدى», دەلىنگەن حابارلامادا.
قازىرگى ۋاقىتتا تەرگەۋ يزولياتورىنا قامالعان كۇدىكتىگە بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
