فوتو: اشىق دەرەككوز
ساۋالناماعا 17 وبلىستان جانە رەسپۋبليكالىق ماڭىزى بار استانا, الماتى جانە شىمكەنت قالالارىنان 18 جاستان اسقان 1000 رەسپوندەنت قاتىسقان.
ساۋالناما انكەتاسىنا:
-ءسىز اەس سالۋ بويىنشا رەفەرەندۋمعا قاتىساسىز با؟
-قازاقستاندا اەس سالۋ تۋرالى قانداي اقپارات ءسىزدى قىزىقتىرادى؟
-ءسىز قازاقستاندا اەس سالۋعا كەلىسەسىز بە؟ دەگەن ساۋالدار ەنگىزىلگەن.
ساۋالناما قورىتىندىسى بويىنشا «مىندەتتى تۇردە بارامىن» (35,6%) جانە «مۇمكىندىگىنشە بارۋعا تىرىسامىن» (20,2%) نۇسقالارىن تاڭداعان رەسپوندەنتتەردىڭ ۇلەسى جالپى ىرىكتەمەنىڭ 55,8%-ىن قۇراعان.
ساۋالعا قاتىسقانداردىڭ وننان ءبىر بولىگىنەن استامى «رەفەرەندۋمعا قاتىسپايمىن» دەگەن (12,2%). الدىن الا بولجانعانداي رەفەرەندۋمعا قاتىسۋ/قاتىسپاۋ تۋرالى ء«الى ءبىر شەشىمگە كەلمەگەن» رەسپوندەنتتەردىڭ دە ۇلەسى جوعارى بولعان (16,6%).
ساۋالناماعا قاتىسقانداردىڭ 13,6%-ى «بۇل جاڭالىقتى ءبىرىنشى رەت ەستىپ وتىر» (اتوم ەلەكتر ستانتسياسىن سالۋى مۇمكىن دەگەن جاڭالىقتى ءبىرىنشى رەت ەستىپ وتىر). رەسپوندەنتتەردىڭ از بولىگى (1,8%) بۇل سۇراققا «جاۋاپ بەرۋگە قينالامىن» دەپ كورسەتكەن».
«قازاقستاندا اتوم ەلەكتر ستانتسياسىن سالۋ تۋرالى قانداي اقپارات ءسىزدى قىزىقتىرادى؟» دەگەن سۇراققا پىكىرلەر ەموتسيونالدى ۇستانىمنان باستاپ تولىعىمەن پراگماتيكالىق دالەلدەرگە دەيىن قۇبىلادى. ماسەلەن, «ازاماتتاردىڭ دەنساۋلىعىنا اسەر ەتۋى ىقتيمال» جانە «ەكولوگياعا اسەر ەتۋى ىقتيمال» دەگەن ەموتسيونالدى پىكىرلەرى بار جاۋاپتاردى تاڭداۋ تيىسىنشە 59,5% جانە 54,1% قۇراعان.
«بۇل, ەڭ الدىمەن, جەلىدە اەس سالۋ ىقتيمالدىعى تۋرالى العاشقى اقپارات پايدا بولعان ساتتەن باستاپ مۇنداي جوبالاردىڭ قاۋىپتەرى تۋرالى ءارتۇرلى پايىمدار تارالا باستاعاندىعىنا بايلانىستى بولۋى مۇمكىن», دەلىنگەن ينستيتۋت حابارلاماسىندا.
سونداي-اق ساۋالناماعا قاتىسقان حالىق اەس-تە قاۋىپسىزدىكتى قامتاماسىز ەتۋدىڭ ناقتى شارالارى بويىنشا «اپاتتاردىڭ الدىن الۋ جونىندەگى قاۋىپسىزدىك شارالارى» (43,1%); «راديواكتيۆتى قالدىقتاردى باسقارۋ» (24,9%); «كادرلىق الەۋەت» (16%) سەكىلدى پراگماتيكالىق ويلار ايتقان.
زەرتتەۋ ينستيتۋتى:
"بۇل جاۋاپتاردىڭ قوسىندىسى 100% ەمەس, ويتكەنى رەسپوندەنتتەر بىرنەشە جاۋاپ نۇسقالارىن تاڭداي الدى», دەدى.
ء«سىز قازاقستاندا اتوم ەلەكتر ستانتسياسىن سالۋعا كەلىسەسىز بە؟» دەگەن سۇراققا كەلىسەتىندەردىڭ ۇلەسى 60,4% قۇرادى. ساۋالناماعا قاتىسقانداردىڭ 30,1%-ى اەس سالۋ يدەياسىن قولدامايدى. ساۋالناماعا قاتىسقان ءاربىر ونىنشى ادام (9,5%) اتوم ەلەكتر ستانتسياسىنىڭ قۇرىلىسىنا قاتىستى سۇراققا جاۋاپ بەرۋدەن باس تارتقان.
زەرتتەۋدىڭ جالپى قورىتىندىسى:
-رەسپوندەنتتەردىڭ 55,8%-ى ءوز ازاماتتىق ۇستانىمىن كورسەتۋگە جانە اەس سالۋ ماسەلەسىنە قاتىستى داۋىس بەرۋگە نيەت تانىتتى;
-اەس قۇرىلىسىن قولداۋشىلاردىڭ ۇلەسى 60,4%.
جۇرگىزىلگەن سوتسيولوگيالىق ساۋالناما ناتيجەسىندە ءارى قاراي جاريا ءتۇسىندىرۋدى تالاپ ەتەتىن ەكولوگيالىق جانە تەحنيكالىق قاۋىپسىزدىك كريتەريلەرىنىڭ كونتۋرى مەجەلەندى. اتاپ ايتقاندا, حالىق دەنساۋلىق قاۋىپسىزدىگى مەن قورشاعان ورتانى قورعاۋ, سونداي-اق قۇرىلىستىڭ تەحنيكالىق جاعى جانە اتوم ستانتسياسىنىڭ بولاشاق جۇمىسشىلارىنىڭ كادرلىق قۇرامىنىڭ كاسىبيلىك دەڭگەيى تۋرالى الاڭدايدى.
ايتا كەتەيىك, ساۋالناما قر زاڭنامالىق نورمالارىن ساقتاي وتىرىپ جۇرگىزىلگەن, اتاپ ايتقاندا, رەفەرەندۋم وتكىزۋ مەرزىمىنە قارسى قوعامدىق پىكىر ولشەمىن جۇرگىزۋ تۋرالى قر وسك حاباردار ەتىلىپ, وعان قر وسك-سى 11.09.2024 ج. №زت- 2024-05252908 حاتپەن جاۋاپ بەرگەن.
