فوتو: وكق
ءىىم ۇيىمداسقان قىلمىسقا قارسى كۇرەس دەپارتامەنتى ءۇشىنشى باسقارماسى باستىعىنىڭ ورىنباسارى شىنار كوشەرباەۆانىڭ ايتۋىنشا, ءىىم قۇرىلىمىندا ادام ساۋداسىنا قارسى كۇرەس بولىمشەلەرى جۇمىس ىستەيدى, جىل سايىن 150-گە جۋىق قىلمىستىق ءىس قوزعالادى.
«وسى جىلدىڭ وتكەن كەزەڭىندە 134 قىلمىستىق ءىس تىركەلدى. ونىڭ ىشىندە: ادام اعزاسىنىڭ مۇشەلەرىن ساۋدالاعانى ءۇشىن – 15 ءىس; ادامدى قاناۋ ماقساتىندا ۇرلاعانى ءۇشىن – 2; قاناۋ ماقساتىندا زاڭسىز باس بوستاندىعىنان ايىرعانى ءۇشىن – 3; ادام ساۋداسى ءۇشىن – 15; كامەلەتكە تولماعاندى جەزوكشەلىكپەن اينالىسۋعا تارتقانى ءۇشىن – 12; كامەلەتكە تولماعانداردى ساۋدالاعانى ءۇشىن – 3; جەزوكشەلىكپەن اينالىسۋعا تارتقانى ءۇشىن – 7; پريتون ۇيىمداستىرعانى جانە جەڭگەتايلىق جاساعانى ءۇشىن – 77», دەدى سپيكەر ش.كوشەرباەۆا.
