بۇل جارىستا كولۋمبيا, فرانتسيا, گەرمانيا, اقش, قىتاي, لاتۆيا, افريكا جانە اراب ەلدەرى سىندى 41 مەملەكەتتەن كەلگەن 114 قاتىسۋشى شەبەرلىكتەرىن سىنعا سالدى.
توعىزقۇمالاق سايىسىنا قازاقستاننان 4 سپورتشى قاتىستى. ينتەللەكتۋالدى جارىس ناتيجەسى بويىنشا ۇلتتىق قۇرامانىڭ قورجىنىنا 4 مەدال ءتۇستى.
بەكسۇلتان بوستاندىقوۆ ەرلەر اراسىندا چەمپيون اتانسا, ەرسۇلتان اۋەلباي ءۇشىنشى ورىندى يەلەندى. ال ايەلدەر اراسىندا ءمولدىر سەرىكقىزى وزىق شىعىپ, اڭساعان قازانعاپ كۇمىس جۇلدەگە قول جەتكىزدى.
جالپى كوماندالىق ەسەپتە قازاقستان قۇراماسى ءبىرىنشى ورىن الدى. ەكىنشى ورىندى – قىرعىزستان, ءۇشىنشى ورىندى رەسەي جانە موڭعوليا يەلەندى.
ەسكە سالا كەتەيىك, دۇنيەجۇزىلىك كوشپەندىلەر ويىندارى ەكى جىل سايىن ۇيىمداستىرىلادى. بيىلعى ويىنداردىڭ ۇرانى - " ۇلى دالاداعى كەزدەسۋ". الەمنىڭ 89 مەملەكەتىنەن كەلگەن ەكى مىڭنان اسا سپورتشى 21 سپورت تۇرىنەن سىنعا ءتۇسىپ جاتىر.
