فوتو: جاساندى ينتەللەكت
ايتا كەتەرلىگى, كەلىسىمدى راتيفيكاتسيالاۋ ەلدەر اراسىنداعى ساۋدا-ەكونوميكالىق ىنتىماقتاستىقتى نىعايتۋعا, مەملەكەت ەكونوميكاسىنىڭ نەگىزگى باعىتتارىنا جاڭا كاپيتال تارتۋعا مۇمكىندىك بەرەدى.
قۇجاتتىڭ نەگىزگى ماقساتى – تەلەكوممۋنيكاتسيا, قارجى, ەنەرگەتيكا, مۇناي-حيميا جانە باسقا دا سالالاردا بىرلەسكەن جوبالاردى جۇزەگە اسىرۋ. بۇل قوسىمشا ينۆەستيتسيا تارتۋعا, ينفراقۇرىلىمدى جاقسارتۋعا, زاماناۋي تەحنولوگيالاردى ەنگىزۋگە جانە جۇمىس ورىندارىن قۇرۋعا مۇمكىندىك بەرەدى.
«قازاقستاندا بارلىعى 9 ينۆەستيتسيالىق جوبا ىسكە اسىرىلادى. ونىڭ ىشىندە ءۇش گاز وڭدەۋ زاۋىتىنىڭ, «بەينەۋ-بوزوي-شىمكەنت» گاز قۇبىرىنىڭ ەكىنشى جەلىسىنىڭ, جاڭا «كس-14» كومپرەسسورلىق ستانتسياسىنىڭ جانە «كس-14-قوستاناي» گاز قۇبىرىنىڭ, قىزىلوردا وبلىسىنداعى قۇراما تسيكلدى زاۋىت نەگىزىندەگى ەلەكتر ستانتسياسىنىڭ, ەرتىس وزەنىندەگى سۋ ەلەكتر ستانتسياسىنىڭ قۇرىلىسى بار», دەلىنگەن حابارلامادا.
